ଡାବୁଗାଁ, ୬/୨ (ମ.ନି.ସ.) – ନବରଙ୍ଗପୁର ଜିଲା ଡ଼ାବୁଗାଁ ଭୈରବ ସ୍ନାତକ ମହାବିଦ୍ୟାଳୟ ରେ ଏକ ସ୍ଵତନ୍ତ୍ର ନିଯୁକ୍ତି ତାଲିମ ଶିବିର ସୋମବାର ଅନୁଷ୍ଠିତ ହୋଇଥିଲା । ଏହି ଅଵସରରେ ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ତଥା ଅର୍ଥନୀତି ଶଶାଙ୍କ ଶେଖର ତ୍ରିପାଠୀଙ୍କ ଅଧ୍ୟକ୍ଷତାରେ ଭୈରବ ସ୍ନାତକ ମହାବିଦ୍ୟାଳୟ ର ଓଡ଼ିଆ ବିଭାଗର ମୁଖ୍ୟ ଚନ୍ଦନା ପଣ୍ଡା, ଅର୍ଥନୀତି ବିଭାଗର ମୁଖ୍ୟ ଉର୍ମିଳା ବ୍ରହ୍ମା ଓ ଓଡ଼ିଆ ବିଭାଗର ଅଧ୍ୟାପିକା ମନିସା ସରକାର, ଅର୍ଥନୀତି ବିଭାଗର ଅଧ୍ୟାପକ ସନ୍ୟାସୀ ସାହୁ ପ୍ରମୁଖ ଉପସ୍ଥିତ ଥିବାବେଳେ ଉକ୍ତ ଶିବିରକୁ ପରିଚାଳନା ଦାୟିତ୍ୱରେ ଇତିହାସ ବିଭାଗର ମୁଖ୍ୟ ପୁଷ୍ପାଞ୍ଜଳି ସାହୁ ପରିଚାଳନା କରିଥିଲେ । ନବରଙ୍ଗପୁର ଜିଲା ତରଫରୁ ଉକ୍ତ ଶିବିର ଅନୁଷ୍ଠିତ ହେଉ ଥିବାବେଳେ ନବରଙ୍ଗପୁର ଜିଲା ଶିଳ୍ପ କେନ୍ଦ୍ରର ପ୍ରକଳ୍ପ ନିର୍ଦ୍ଦେଶକ ବିକ୍ରମ ରାଜୁ ବାବୁ ଯୋଗ ଦେଇଥିଲେ । ଶିଳ୍ପ ଭିତ୍ତିକ କୁ ଗୁରୁତ୍ଵ ଦେଇ ସ୍ୱଚ୍ଛ ଅର୍ଥନୀତିର ବିକାଶ ସହ ନିଯୁକ୍ତି କୁ ଗୁରୁତ୍ଵ, ଦକ୍ଷତା ଓ ତାଲିମକୁ ଗୁରୁତ୍ଵ ଦେଇ ବ୍ୟକ୍ତିଗତ ଓ ଅର୍ଥନୀତିର ବିକାଶ ରେ ଯୋଡ଼ିହେବା ଉପରେ ଗୁରୁତ୍ଵ ଦେବା ଦରକାର ବୋଲି ନିଜ ବକ୍ତବ୍ୟ ରେ କହିଥିଲେ । ଏଥିରେ ୩୦ ଜଣ ଛାତ୍ରୀ ଛାତ୍ର ଙ୍କୁ ପ୍ରଥମେ ତାଲିମ ଶିବିର ରେ ୧୨ ଜଣଙ୍କୁ ତାଲିମ ଦିଆଯିବ । ନିହାତି ଭାବେ ଶିଳ୍ପ ର ବିକାଶ ପାଇଁ ସମସ୍ତ ଛାତ୍ରୀ ଛାତ୍ର ନିଯୁକ୍ତି ଉପରେ ତାଲିମ ଦିଆଯିବ ବୋଲି କହିଥିଲେ । ଏଥିରେ ମହାବିଦ୍ୟାଳୟର ଅର୍ଥନୀତି ବିଭାଗର ମୁଖ୍ୟ ଶ୍ରୀ ଉର୍ମିଳା ବ୍ରହ୍ମା ଯୋଗ ଦେଇ ସେ ମଧ୍ୟ ନିଜ ବକ୍ତବ୍ୟରେ କହିଥିଲେ ପିଲାମାନେ ନିଯୁକ୍ତି ଓ ଆୟ ଉପରେ ଗୁରୁତ୍ଵ ଦେଇ କିଛି ତାଲିମ ନେଇ ଯେ କୌଣସି ସରକାରୀ କିମ୍ବା ବେସରକାରୀ ଅନୁଷ୍ଠାନରେ ନିଜକୁ ନିୟୋଜିତ କରିବାର ଆବଶ୍ୟକତା ରହିଛି ବୋଲି କହିଥିଲେ । ଏଥିସହିତ ଯୁକ୍ତ ତିନି ଶେଷ ବର୍ଷର ସମସ୍ତ ଛାତ୍ରୀ ଛାତ୍ର ଯୋଗ ଦେଇଥିଲେ। ଏଥି ସହିତ ମହାବିଦ୍ୟାଳୟର ସମସ୍ତ ଶିକ୍ଷକ ଓ ଅଣ ଶିକ୍ଷକ କର୍ମଚାରୀ ଯୋଗ ଦେଇଥିଲେ । ସଭା ଶେଷରେ ଇତିହାସ ବିଭାଗର ଅଧ୍ୟାପକ ଦୟାରାମ ମନୋହର ଧନ୍ୟବାଦ ଅର୍ପଣ କରିଥିଲେ ।
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
