ଗୋଲାପ ଦିବସ
ମନ ଚିଠି ଗୋଲାପ ପ୍ରେମ ପର୍ବ
ଗୋଲାପୀ ଗୋଲାପୀ ଦିଶେ ଚଉଦିଗ
ଗୋଲାପ ମୁହଁରେ ହସ,
ଦିବସଟେ ଅଛି ତା’ ଲାଗି ବୋଲି ସେ
କରୁଛି ସଭିଙ୍କୁ ବଶ।
କାହା ପାଇଁ କିଏ ଦେଉଛି ଗୋଲାପ
ମୁଁ ଦିଏ ତୁମରି ପାଇଁ,
ପ୍ରତି ପାଖୁଡ଼ାରେ ଲେଖି ତୁମ ନାଆଁ
ଭେଟି ଦେବି ହେ ଗୋସାଇଁ ।
କାଳିଆ ମୁହଁକୁ ଗୋଲାପର ହାର
ଦିଶିବ କେଡେ ସୁନ୍ଦର,
ଷୋହଳ ନାମକୁ ଥର ଥର ଜପି
ଗୁନ୍ଥିବି ଗୋଲାପ ହାର।
ମୋ ମନ ଭାବକୁ ଗୋଲାପି ଅକ୍ଷରେ
ଗୋଲାପ ଚିଠିରେ ଲେଖି,
ମନ ପ୍ରାଣ ତୁମ ପଦ୍ମ ପୟରରେ
ଭେଟି ଦେବି ଚକାଆଖି।।
ରାକେଶ ସାହୁ
ଖୋର୍ଦ୍ଧା, ବାଣପୁର, ଚିଲିକା
