ମାନଝରି ପଞ୍ଚାୟତରେ ୧୭ ରୁ ଉର୍ଦ୍ଧ୍ବ ବର୍ଷ ହେଲା ଛାଡି ପାରୁନାହାନ୍ତି ଜିଆରଏସ
ଜିଲ୍ଲାପରିଷଦ ନିର୍ବାହୀ ଅଧିକାରୀଙ୍କ ନାମ ନେଇ ,ବିନା ସୂଚନା ଫଳକରେ କରୁଛନ୍ତି ଲକ୍ଷ ଲକ୍ଷ ଟଙ୍କାର ମନରେଗା କାମ
ଗୋଳାମୁଣ୍ଡା ତା ୬/୨/ମସିହା/ କଳାହାଣ୍ଡି ଜିଲ୍ଲାରେ ବର୍ତ୍ତମାନ ଅରାଜକତା ଚାଲୁଥିବା ଦେଖିବାକୁ ମିଳିଛି । କଥାରେ ଆଛି କଳାହାଣ୍ଡିଆ ଭାଷାରେ ଠକଭଣ୍ଡ ଜାହାର, କଳାହାଣ୍ଡି ତାହାର । ସେହିଭଳି ଭାବରେ ଜଣେ ଗ୍ରାମ ରୋଜଗାର ସେବକ ବଦଳି ପରେ ମଧ୍ୟ ମୋହ ଛାଡ଼ୁନି । ଅନ୍ୟ ପଞ୍ଚାୟତକୁ ବଦଳି ହୋଇ ଏକମାସ ବିତିଲାଣି ହେଲେ ତାଙ୍କ ସ୍ଥାନରେ ଆସିଥିବା ଜିଆରଏସକୁ ଦାୟିତ୍ୱ ନ ଦେଇ, ଜିଲ୍ଲାପରିଷଦ ନିର୍ବାହୀ ଅଧିକାରୀଙ୍କ ନାମ ନେଇ ନିଜେ ଠିକାଦାର ସାଜି ଲକ୍ଷ ଲକ୍ଷ ଟଙ୍କାର ମନରେଗା କାମ କରୁଛନ୍ତି କୋଟିପତି ଜିଆଆରଏସ । ପଞ୍ଚାୟତ ପ୍ରତିନିଧି ମାନଙ୍କୁ କ୍ରିମ ଖୁଆଇ ନିଜେ ମହୁ ଖାଉଥିବା ଦେଖିବାକୁ ମିଳିଛି । ଅନ୍ୟ ପକ୍ଷରେ ତାଙ୍କ ସ୍ଥାନରେ ଆସିଥିବା ଜିଆରଏସ ଏବେ ଜଳକା ହୋଇ ଚାହିଁ ରହିଛନ୍ତି । କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକର ମାନଝରି ପଞ୍ଚାୟତରେ ଅନେକ ଲୋକେ ଦାଦନ ଶ୍ରମିକ ଭାବେ ଅନ୍ୟ ରାଜ୍ୟକୁ ଯାଇଥାନ୍ତି । ଏହି ପଞ୍ଚାୟତରେ କୋଟି କୋଟି ଟଙ୍କାର ମନରେଗା ଯୋଜନାରେ କାମ ହେଉଥିବା ଦେଖିବାକୁ ମିଳିଛି । ଗତ ଡିସେମ୍ବର ୧୬ ତାରିଖରେ ଚିଠି ନମ୍ବର ୫୫୧୫ରେ ଗୋଲାମୁଣ୍ଡା ବ୍ଲକର ୯ ଜଣ ଜିଆରଏସଙ୍କୁ ଅନ୍ୟ ଅନ୍ୟ ପଞ୍ଚାୟତକୁ ବଦଳି କରାଯାଇଥିଲା । ଦୀର୍ଘ ୧୭ ବର୍ଷରୁ ଉର୍ଦ୍ଧ୍ବ ଦିନ ରହିଲା ପରେ ସେହି ଅନୁଯାୟୀ ମାନଝରି ପଞ୍ଚାୟତର ଗ୍ରାମରୋଜଗାର ସେବକ ରୋମାଞ୍ଚଲ ତେଜିଙ୍କୁ ଚପ୍ରିଆ ପଞ୍ଚାୟତକୁ ବଦଳି ହୋଇଥିଲା । ତାଙ୍କ ସ୍ଥାନରେ ନୂଆ ଜିଆରଏସ ସୀମାଞ୍ଚଳ ସୁନାନୀକୁ ମାନଝରି ପଞ୍ଚାୟତର ଦାୟିତ୍ୱ ପ୍ରଦାନ କରାଗଲା । ଜିଆରଏସଙ୍କ ବଦଳିକୁ ଏକମାସ ବିତିଯାଇଥିଲେ ସୁଦ୍ଧା ରୋମାଞ୍ଚଳ ତେଜିଙ୍କ ଏପର୍ଯ୍ୟନ୍ତ ମାନଝରି ପଞ୍ଚାୟତର ମୋହ ଛାଡି ପାରୁନାହିଁ । ଜିଲ୍ଲାପରିଷଦ କାର୍ଯ୍ୟ ନିର୍ବାହୀ ଅଧିକାରୀଙ୍କ ନା ନେଇ ମନରେଗା ଯୋଜନାରେ ଆସୁଥିବା ସମସ୍ତ କାମ ସେ ନିଜେ କରୁଛନ୍ତି । ସରକାରୀ ନିୟମ ଅନୁସାରେ ଯେଉଁ ସରକାରୀ କର୍ମଚାରୀ ବଦଳି ହେଲେ ସେହି ଦିନ ଠାରୁ ତାଙ୍କ ସ୍ଥାନରେ ଆସିଥିବା କର୍ମଚାରୀଙ୍କୁ ସାଧାରଣତ ଦାୟିତ୍ୱ ପ୍ରଦାନ କରାଯାଇଥାଏ । କିନ୍ତୁ ଏହି କ୍ଷେତ୍ରରେ ଅଲଗା ଦେଖା ଦେଇଛି । ସୂତ୍ର ଅନୁସାରେ ଏହି ପଞ୍ଚାୟତରେ ୨୬ ଟି ଫାଇଲ ଖୋଲି ଠିକାଦାର ସାଜି ଲକ୍ଷ ଲକ୍ଷ ଟଙ୍କାର କାମ କରୁଥିବା ବେଳେ ଗୋଟିଏ କାମରେ ମଧ୍ୟ ସୂଚନାବୋର୍ଡ ନାହିଁ । ଗୋଟିଏ ପଟେ ବଦଳି ହୋଇଯାଇଥିବା ଚପ୍ରିଆ ପଞ୍ଚାୟତ ଓ ଅନ୍ୟ ପଟେ ମାନଝରି ପଞ୍ଚାୟତରେ ନିଜର ଏଭଳି ଦୌରମ୍ୟ ଯୋଗୁଁ ଲୋକେ ଅତିଷ୍ଠ ହୋଇ ପଡିଛନ୍ତି । ଆଜି ପର୍ଯ୍ୟନ୍ତ ନୂଆ ଜିଆରଏସଙ୍କୁ ପୂର୍ଣ୍ଣ ମାତ୍ରାରେ ଦାୟିତ୍ୱ ହସ୍ତାନ୍ତର କରାଯାଇନାହିଁ । ଏହି ପଞ୍ଚାୟତର ପ୍ରତିନିଧି ମାନେ ମଧ୍ୟ କିଛି ଟଙ୍କା ଲାଳସାରେ ଜିଆରଏସ ବିରୋଧରେ ମୁହଁ ଖୋଲୁ ନାହାନ୍ତି । ବଦଳିର ଏକ ମାସରୁ ଉର୍ଦ୍ଧ୍ବ ଦିନ ବିତିଗଲା ହେଲେ ପଞ୍ଚାୟତର ମୋହ ଛାଡି ପାରୁନାହାନ୍ତି ପୂର୍ବ ଜିଆରଏସ । ଗୋଟିଏ ପଟେ ସରପଞ୍ଚ ମଧ୍ୟ କଳାହାଣ୍ଡି ଜିଲ୍ଲା ପରିଷଦ ନିର୍ବାହୀ ଅଧିକାରୀ ଓ ବିଡ଼ିଓ ଜିଆରଏସଙ୍କୁ ରଖିଥିବା କହୁଥିବା ବେଳେ ଅନ୍ୟପଟେ ସରପଞ୍ଚ ନିଜେ ରଖିଥିବା ନେଇ ବିଡ଼ିଓ କହିଛନ୍ତି । ଏହି ପୂର୍ବ ଜିଆରଏସ କେବେ ଛାଡିବେ ମାନଝରି ପଞ୍ଚାୟତର ମୋହ, କେବେ ହେବ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ତାହା ଦେଖିବାକୁ ବାକି ରହିଲା ।
ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ, ପ୍ରଗତିଶୀଳ ମସିହା