ରୁପ୍ରା, ୧୫/୨ (ମନିସ) : କଳାହାଣ୍ଡି ଜିଲ୍ଲା ନର୍ଲାବ୍ଲକ୍ ଅଧିନ ମାଣ୍ଡେଲ ଗ୍ରାମର ପୂର୍ବ ସରପଞ୍ଚ ତଥା ବିଶିଷ୍ଟ ସମାଜସେବୀ ଧର୍ମୁ ପଧାନଙ୍କ ୯୨ ବର୍ଷ ବୟସରେ ବାର୍ଦ୍ଧକ୍ୟ ଜନିତ କାରଣରୁ ଆଜି ସକାଳ ୯/୪୫ ମିନିଟ୍ ସମୟରେ ପରଲୋକ ହୋଇଯାଇଛି। ସ୍ୱର୍ଗତ ଧର୍ମୁ ପଧାନଙ୍କ ପତ୍ନୀଙ୍କ ସମେତ ତିନିପୁଅ ଚାରୁଚନ୍ଦ୍ର, ପିତବାସ, ଦୀନବନ୍ଧୁ, ପୁତ୍ରବଧୁ ,ନାତିନାତୁଣୀ ଓ ତିନି ଝିଅ ଓ ଜ୍ୱାଇଁ ଓ ଆତ୍ମୀୟ ସ୍ୱଜନ ଶେଷ ସମୟରେ ଉପସ୍ଥିତ ଥିଲେ। ନିଜ ଜୀବନ କାଳ ଭିତରେ ଅନେକ ଗୁଡିଏ ଉନ୍ନତି ମୂଳକ କାମ, ସେବା ମନୋବୃତ୍ତି ଚିରଦିନ ପାଇଁ ଅମର ହୋଇଯାଇଛି । ମାଣ୍ଡେଲ ସ୍ଥିତ ଶ୍ରୀ ଜଗନ୍ନାଥ ଉଚ୍ଚ ବିଦ୍ୟାଳୟର ଭୂମିଦାନ ସଂଗେ ସଭାପତିତ୍ୱ ଗ୍ରହଣ କରି ଦୀର୍ଘ ଦିନ ସେବା ଯୋଗାଇ ଆସୁଥିଲେ । ତାଙ୍କ ପରଲୋକ ଖବର ଜଣାପଡିବା ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି। ନିଜର ଜମିରେ ଅନ୍ତିମ ସଂସ୍କାର କରାଯାଇଥିଲା । ତାଙ୍କ ପରଲୋକ ଖବର ଜଣାପଡିବା ପରେ ଅଞ୍ଚଳର ବିଶିଷ୍ଟ ବ୍ୟକ୍ତି ମାନେ ଶୋକ ପ୍ରକାଶ କରିବା ସହିତ ଅମର ଆତ୍ମାର ସଦଗତି କାମନା କରିଛନ୍ତି।
previous post