ରାଉରକେଲା/ ଆଗକୁ ଗ୍ରୀଷ୍ମଋତୁ ଆସୁଛି । ବର୍ତ୍ତମାନ ଫେବୃୟାରୀ ମାସର ଖରାକୁ ଦେଖିଲେ ସ୍ପଷ୍ଟ ଭାବେ ଅନୁମେୟ କରିହେବ ଯେ ଆଗକୁ ସ୍ଥିତି ସଂଗୀନ ହେବ । ବ୍ୟାପକ ବୃକ୍ଷ କଟିବା ସାଙ୍ଗକୁ କଳକାରଖାନାର ବୃଦ୍ଧି ଗ୍ରୀନ ହାଉସ୍ର ପ୍ରଭାବ କୁ ବୃଦ୍ଧି କରିବା ସହ ପୃଥିବୀର ତାପମାତ୍ରା ବୃଦ୍ଧି ପାଇବାରେ ଲାଗିଛି । ଏ ନେଇ ସାଧାରଣ ଜନତା ସଚେତନ ହେବା ସହ ବ୍ୟାପକ ବୃକ୍ଷ ରୋପଣ କରିବା ଉଚିତ। ଏନେଇ କଂଗ୍ରେସ ନେତା ପ୍ରଶାନ୍ତ ସେଠୀ ଙ୍କ ଦ୍ଵାରା ଆହୁତ ସାମ୍ବାଦିକ ସମ୍ମିଳନୀ ରେ କହିଥିଲେ ଯେ ମୁଁ ଜଣେ ବ୍ୟକ୍ତି ବିଶେଷ ଓ ସରକାର ଏକ ବ୍ୟବସ୍ଥା। ବସ୍ତି ଅଭିଯାନ ରେ ସେ ପ୍ରାୟ ୧୭୦ ବସ୍ତିରେ ବୁଲିବା ପରେ ଅଧିକାଂଶ ସମସ୍ୟା ବସ୍ତି ବାସିନ୍ଦା ତାଙ୍କୁ ଜଣାଇଥାନ୍ତି । ସେଥିମଧ୍ୟରୁ ପ୍ରାୟ ୫୦ ରୁ ୬୦ ପ୍ରତିଶତ ବସ୍ତିରେ ଏବେ ବି ପାଣି ସମସ୍ୟା ରହିଛି । କେତେକ ବସ୍ତିରେ ପାଣି ପାଇଁ ପାଇପ୍ ବିଛା କାର୍ଯ୍ୟ ସରିଥିଲେ ମଧ୍ୟ ମୁଖ୍ୟ ଜଳସ୍ରୋତ ସହ ସଂଯୋଗ ହୋଇନାହିଁ । କେତେକ ବସ୍ତିରେ ଏପର୍ଯ୍ୟନ୍ତ ପାଇପ୍ ବିଛା କାର୍ଯ୍ୟ ହୋଇନାହିଁ । ସାଧାରଣତଃ ବସ୍ତି ବାସିନ୍ଦା ପିଇବା ପାଣି ପାଇଁ ନଳକୂପ ଉପରେ ନିର୍ଭରଶୀଳ ଓ କେତେ ସ୍ଥାନରେ ଆର୍.ଏସ୍.ପି. ପକ୍ଷରୁ ପାଣି ପାଇପ୍ ବ୍ୟବସ୍ଥା କରାଯାଇଛି । ମାତ୍ର ଗ୍ରୀଷ୍ମ ଋତୁ ଆସିଲେ ପାଣିର ଉତ୍ସ କମିବା ସହ ଅନେକ ନଳକୂପ ଅଚଳ ହୋଇପଡ଼ିଥାଏ । ନଦୀରେ ଜଳ ଉତ୍ସ ହ୍ରାସ ପାଇବା ସହ ପାଣି ପ୍ରବାହ ମଧ୍ୟ କମିଥାଏ । ତେଣୁ ଏହି ସମୟରେ ପାନୀୟ ଜଳ ସମସ୍ୟା ପ୍ରାୟ ଦେଖାଦେଇଥାଏ । ବସ୍ତି ବାସିନ୍ଦାକୁ ଗ୍ରୀଷ୍ଣ ଋତୁ ପୂର୍ବରୁ ସମସ୍ତ ବସ୍ତି ଅଞ୍ଚଳରେ ପାନୀୟ ଜଳ ବ୍ୟବସ୍ଥା ସୁଦୃଢ଼ କରିବା ପାଇଁ ବିଭାଗୀୟ ପି.ଏଚ.ଡ଼ି ନିର୍ବାହୀ ଯନ୍ତ୍ରୀଙ୍କୁ ଅନୁରୋଧ କରିଥିଲେ। ନଚେତ୍ ଆସନ୍ତା ୧୫ ଦିନ ମଧ୍ୟରେ ଏହି ପାଣି ଯୋଗାଣ ବ୍ୟବସ୍ଥା ସଠିକ୍ ନ ହେଲେ ଆଗାମୀ ଦିନରେ ସମସ୍ତ ବସ୍ତି ବାସିନ୍ଦାଙ୍କୁ ନେଇ କାର୍ଯ୍ୟାଳୟ ଘେରାଓ କରିବା ସହ ଆନ୍ଦୋଳନାତ୍ମକ ପନ୍ଥା ଅବଲମ୍ୱନ ପାଇଁ ବାଧ୍ୟ ହେବୁ ବୋଲି ଶ୍ରୀ ସେଠୀ କହିଥିଲେ । ଆୟୋଜିତ ସାମ୍ୱାଦିକ ସମ୍ମିଳନୀରେ ଅନ୍ୟ ମାନଙ୍କ ମଧ୍ୟରେ ଜିଲ୍ଲା କଂଗ୍ରେସ ସଭାପତି ଦେବବ୍ରତ ବିହାରୀ, ଉପସଭାପତି ଉମେଶ ଚନ୍ଦ୍ର ଶରଣ,ପିସିସି ସଭ୍ୟା ପ୍ରଭାତୀ ମିଶ୍ର, ଉପସଭାପତି ସନ୍ତୋଷ ବିଶ୍ବାଳ,ସରୋଜ ଲେଙ୍କା, ପିସିସି ସଦସ୍ୟା ତୁଳସୀ ନାଗ,ଲତା ନାୟକ ଓ ରାଜ୍ୟ ସୋସିଆଲ ମିଡ଼ିଆ ସମ୍ପାଦକ ବିଶ୍ବ ରଞ୍ଜନ ରାଉତ ପ୍ରମୁଖ ଉପସ୍ଥିତ ଥିଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
