ଶୈବ ଉପାସନା
ଭାରତୀୟ ସଂସ୍କୃତି କହେ
ଶୈବ ଉପାସନା ବ୍ରତ ବିଧାନ ର କଥା
ଫାଲଗୁନ ଚତୁର୍ଦ୍ଦଶୀ ତିଥିରେ ପଡ଼ଇ
ପବିତ୍ର ଜାଗର ଶିବ ଯେ ଏହାର କର୍ତ୍ତା ।
ମଧୁ ଦୁଗ୍ଧ ଦଧି ଘୃତ ଗଙ୍ଗାଜଳେ
ସ୍ନାନ ଅଭିଷେକ ସାରି
ଅରଖ ଗୟସ ଦୁଦୁରା ଦୁବ ଚାଉଳରେ
ଶିବ ଲିଙ୍ଗ ଯାଏ ପୁରି ।
ରାତ୍ରି ଜାଗରଣ ଉପବାସ କର୍ମ
ବିଧି ବିଧାନ ସତ୍ୱର
ମାନସିକଧାରୀ ଦୀପ ପ୍ରଜ୍ବଳନେ
ଦୁଃଖ ଅନ୍ଧକାର ହୁଏ ଦୂର ।
ହେ ଶିବ ଶଙ୍କର ପାର୍ବତୀ ପତି
ତୁମେ ତିନି ପୁର ର ଦେବତା
ଭଜି ଜାଣି ନାହିଁ ଜପି ଜାଣି ନାହିଁ
ତଵ ଚରଣେ ଲୋଟାଏ ମଥା ।
ଆଧ୍ୟାତ୍ମିକ ପରିବେଶ ଶିବାଳୟ ଆଜି
ଛୁଟେ ଭକ୍ତଙ୍କର ସୁଅ
ଏ ପବିତ୍ର ତିଥିରେ ମାଗୁଣି ଏତିକି
ବାରେ ସଭିଙ୍କୁ ସଦୟ ହୁଅ ।
ଗାୟତ୍ରୀ ସିଂହ
ଆଠମଲ୍ଲିକ , ଅନୁଗୁଳ
