୯୦ ଟି ପଞ୍ଚାୟତ ରେ କରିବେ ସଚେତନ
ନୂଆପଡା ଜିଲ୍ଲାର ସାମାଜିକ, ରାଜନୈତିକ, ଶିକ୍ଷା ଓ ସ୍ୱାସ୍ଥ୍ୟ କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ପାଇଁ ଗରିବ ସେନା ସଂଗଠନ ନୂଆପଡା ତରଫରୁ ଆଜକୁ ୨୫ ଦିନ ହେବ ସ୍ୱାଭିମାନ ପଦଯାତ୍ରା ଚାଲିଛି । ଗତ ଜାନୁୟାରୀ ୨୯ ତାରିଖ ଦିନରୁ ଗରିବ ସେନା ସଭାପତି ରବି ମଙ୍ଗରାଜ ଙ୍କ ନେତୃତ୍ୱରେ ଜିଲ୍ଲାର ଐତିହାସିକ ସାଲିହା ସ୍ମୃତି ସ୍ତମ୍ଭ ଠାରୁ ଆରମ୍ଭ ହୋଇଥିବା ପଦଯାତ୍ରା ଆଜି ଖଡ଼ିଆଳ ପହଂଚିଛି । ଏହି ପଦଯାତ୍ରା ର ମୁଖ୍ୟ ଉଦ୍ଧେଶ୍ୟ ହେଲା ଜିଲ୍ଲା ଗଠନ ର ଦୀର୍ଘ ୩୦ ବର୍ଷ ହୋଇଯାଇଥିଲେ ହେଁ ଜିଲ୍ଲାର ଚାଷୀ, ଶ୍ରମିକ, ଶିକ୍ଷିତ ଯୁବକ ଯୁବତୀ, ମହିଳାଙ୍କ ସମ୍ବିଧାନିକ ହକ୍ ଅଧିକାର ପାଇବାରୁ ବଞ୍ଚିତ । ଜିଲ୍ଲାକୁ ମଦ ମୁକ୍ତ ଓ ଶୋଷଣ ମୁକ୍ତ ଜିଲ୍ଲା ଗଠନ ସହ ଉତ୍ତମ ଶିକ୍ଷା ସ୍ବାସ୍ଥ୍ଯ ପାଇଁ ସଚେତନତା ଯାତ୍ରା । ଏହି ପଦଯାତ୍ରା ମାଧ୍ୟମରେ ଲୋକଙ୍କ ମଧ୍ଯରେ ନବ ଜାଗରଣ ସୃଷ୍ଟି କରି ନୂଆପଡା ଜିଲ୍ଲାରେ ବୈପ୍ଲବିକ ପରିବର୍ତନ କରିବାକୁ ସଂଗ୍ରାମ କରିବା ପାଇଁ “ଗରିବ ସେନା” ର ସୈନିକ ଶପଥ ଗ୍ରହଣ କରିଥିବା ସଂଗ୍ରାମୀ ସଂଗଠନ ର କର୍ମକର୍ତ୍ତା ମାନେ କହିଛନ୍ତି ।
ଏହି ପଦଯାତ୍ରା ସାଲିହା ଠାରୁ ବାହାରି ପ୍ରଥମେ ଖରିଆର ରୋଡ଼, ନୂଆପଡା, କୋମନା, ଖଡ଼ିଆଳ, ସିନାପାଲି ବୋଡେ଼ନ ବ୍ଲକ ର ୯୦ ରୁ ଉର୍ଦ୍ଧ୍ବ ପଂଚାୟତ କୁ ଛୁଇଁବ। ୪୦ ଦିନ ରେ ପ୍ରାୟ ୬୦୦ କିମି ଅତିକ୍ରମ କରି ଶେଷ ରେ ନୂଆପଡା ଜିଲ୍ଲା ମୁଖ୍ୟାଳୟ ଠାରେ ପ୍ରଶାସନ ପାଖରେ ଦାବି ପୂରଣ ପାଇଁ ର ଦୃଷ୍ଟି ଆକର୍ଷଣ କରାଯିବ ବୋଲି ସଂଗଠନ ଆଵାହକ ଙ୍କ ସହ କର୍ମକର୍ତ୍ତା ମାନେ କହିଛନ୍ତି ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
