ତା ୨୩/୦୨/୨୦୨୩ ଆଜି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୁଆଣ୍ଡୋ ଗସ୍ତ କରି ବିଭିନ୍ନ ଉନ୍ନୟନ ମୂଳକ ପ୍ରକଳ୍ପର ଉଦଘାଟନ କରିଥିଲେ ! ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜର ବକ୍ତବ୍ୟ ରେ କହିଛନ୍ତି ଯେ ଉତ୍କଳମଣିଙ୍କ ଜନ୍ମମାଟି ସୁଆଣ୍ଡୋକୁ ମୋର ପ୍ରଣାମ। ଗୋପବନ୍ଧୁଙ୍କ ପବିତ୍ର ଭୂମିକୁ ଆସି ମୁଁ ନିଜକୁ ଧନ୍ୟ ମନେ କରୁଛି। ଏହି ମହାପୁରୁଷଙ୍କ ଜନ୍ମମାଟିର ବିକାଶ #5T ଉପକ୍ରମରେ ଅତି ସୁନ୍ଦର ଭାବେ କରାଯାଇଥିବାରୁ ମୁଁ ବହୁତ ଖୁସି। ଏଥିରେ ଗୋପବନ୍ଧୁଙ୍କ ବିରାଟ ପ୍ରତିମୂର୍ତ୍ତି, ଷଠିଘର ଓ ସଂଗ୍ରହାଳୟ ପରି ବିଭିନ୍ନ ପଦକ୍ଷେପ ନିଆଯାଇଛି। ଗୋପବନ୍ଧୁଙ୍କ ସ୍ମୃତି ରକ୍ଷା ପାଇଁ ଯାହା କଲେ ବି କମ୍ ହେବ। ଓଡ଼ିଆ ଜାତି ସବୁବେଳେ ତାଙ୍କ ନିକଟରେ ଋଣୀ। ଓଡ଼ିଶାର ଶିକ୍ଷା, ସାହିତ୍ୟ ସଂସ୍କୃତି, ରାଜନୀତି, ସେବା ଓ ମାନବିକତାର ସେ ନୂଆ କୀର୍ତ୍ତି ସ୍ଥାପନ କରିଯାଇଛନ୍ତି। ଗୋପବନ୍ଧୁଙ୍କ ‘ଭାର୍ଗବୀ ସଂକଳ୍ପ’କୁ ଜୀବନର ବ୍ରତ କରି ଏକ ନୂଆ ଓ ସଶକ୍ତ ଓଡ଼ିଶା ଗଠନ ପାଇଁ ସମସ୍ତେ ଆଗେଇ ଆସନ୍ତୁ।
ରିପୋଟର ଧର୍ମେନ୍ଦ୍ର କୁମାର ପରିଡ଼ା