ଗୋଳାମୁଣ୍ଡା /ମସିହା/ତା ୨୧/୨କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକ ବୋରଗୁଡା ପଞ୍ଚାୟତର ବନ୍ଧାଗାଁ ନିକଟରେ ଏକ ମେଘା ପ୍ରକଳ୍ପ କାମ ଦ୍ରୁତଗତିରେ ଚାଲିଛି । ସୂଚନାରୁ ପ୍ରକାଶ ଯେ,ଉକ୍ତ ପ୍ରକଳ୍ପ ପାଇଁ ଗତ ତା୦୮/୦୭/୨୧ଦିନ ମାନ୍ୟବର ଗୃହରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ର ଓ ସଂମାନିତ ଅତିଥି କଳାହାଣ୍ଡି ଜିଲ୍ଲା ସାଂସଦ ବସନ୍ତ ପଣ୍ଡା ଓ ଅନ୍ୟାନ୍ୟ ଅତିଥି ଙ୍କ କର କମଲ ରେ ଉଦଘାଟନ କରିଥିଲେ, ହେଲେ ଆଜକୁ ଛଅ ମାସ ବିତି ଯାଇଥିଲେ ମଧ୍ୟ କାର୍ଯ୍ୟର ସୂଚନା ଫଳକ ନାହିଁ, ଏହି କାମଟି ବିନା ସୂଚନା ଫଳକରେ କାମ ଚାଲିଛି । 
କାମର ଅଟକଳ ପରିମାଣ କେତେ କେଉଁ ଠିକାଦାର କାମ କରୁଛି,କାର୍ଯ୍ୟ ଆରମ୍ଭ ଓ କାର୍ଯ୍ୟର ଶେଷ ତାରିଖ ସମ୍ପର୍କରେ ଆମ ଗଣମାଧ୍ୟମ ପ୍ରତିନିଧି କାମ ଆରମ୍ବ ହୋଇଥିବା ସ୍ଥାନକୁ ଯାଇ କର୍ମଚାରୀଙ୍କୁ ପଚରାଉଚରା କରିଥିଲେ ହେଲେ କେହି ବି ଉତ୍ତର ଦେଇ ନ ଥିଲେ । କୋଟି କୋଟି ଟଙ୍କାର କାମ ଚାଲିଛି ହେଲେ ବିଭାଗୀୟ ଯନ୍ତ୍ରୀମାନଙ୍କ ବିନା ଉପସ୍ଥିତିରେ କାମ ଚାଲିଛି ବୋଲି ଗାଁ ଲୋକେ ଅଭିଯୋଗ କରିଥିଲେ । ଏ ସୁଯୋଗ ନେଇ ଠିକାଦାରମାନେ ନିମ୍ନମାନର କାମ କରୁଥିବା ଲୋକଲୋଚନରେ ଜୋର ଚର୍ଚ୍ଚା ଧରିଛି । ନବ ନିର୍ମିତ ମେଘା ପ୍ରକଳ୍ପଟିର ଠିକାଦାର ଓ ବିଭାଗୀୟ ଯନ୍ତ୍ରୀ ମାନଙ୍କ ସହ ମଧୁଚନ୍ଦ୍ରିକା ରେ କାମ ହେଉଛି ବୋଲି ଅନେକ ପ୍ରଶ୍ନ ଉଙ୍କି ମାରୁଛି । 
ଏ ନେଇ ବିଭାଗୀୟ କନିଷ୍ଠ ଯନ୍ତ୍ରୀ ସୁବାଷ ପଣ୍ଡାଙ୍କୁ ଫୋନ ଯୋଗେ ଯୋଗାଯୋଗ କରାଯାଇଥିଲା ହେଲେ ସନ୍ତୁଷ୍ଟ ଜନକ ଉତ୍ତରଦେଇ ନ ଥିଲେ । ପରେ ସହକାରୀ ଯନ୍ତ୍ରୀ ଧର୍ମଗଡ଼ ଓ କାର୍ଯ୍ୟନିର୍ବାହୀ ଯନ୍ତ୍ରୀ ଭବାନୀପାଟଣା ଙ୍କୁ ଫୋନ ଯୋଗେ ଯୋଗାଯୋଗ କରାଯାଇଥିଲା ହେଲେ ତାଙ୍କର ଫୋନ ବିଛିନ୍ନତା ଯୋଗୁଁ ଯୋଗାଯୋଗ ହୋଇ ପାରି ନ ଥିଲା । ସୂଚନା ଫଳକ ନ ଥାଇ କୋଟି କୋଟି ଟଙ୍କା ମେଘା ପ୍ରକଳ୍ପ କାମ ଚାଲିଛି ତାର ଉଚ୍ଚ ସ୍ତରୀୟ ତଦନ୍ତ କରିବାକୁ ସାଧାରଣରେ ଦାବି ହେଉଛି। ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ ମସିହା, ପ୍ରତିନିଧି,
