ବାଲିକୁଦା :-01/03/23::-ଅଭାବୀ ସଂସାର ର ଦୁଃଖ ଦୂର କରିବା ପାଇଁ କିଏ କେତେ ପ୍ରକାର ଯୋଜନା କରି ବସେ ! ଜୀବନ ଜୀବିକା ଭିତରେ ପରିବାରର ପ୍ରତିପୋଷଣ ନିହାତି ଅପରିହାର୍ଯ୍ୟ | କିନ୍ତୁ ସେଇ ଜୀବିକା ର ମାଧ୍ୟମ ସାଜିଥିବା ଯୋଜନା ଯେ, ଗୋଟେ ସ୍ତ୍ରୀ ପାଖରୁ ତା ସ୍ୱାମୀ କି ଛଡେଇ ନେବ, ଶଙ୍ଖା ସିନ୍ଦୁର ଛଡେଇ ନେଇ ଉଜାଡି ଦେବ ସଂସାର, କେହି ବି କଳ୍ପନା କରି ନଥାଏ | ସେଇ ପରି ଏକ ହୃଦୟ ବିଦାରକ ଘଟଣା ଘଟିଛି ଜଗତସିଂହପୁର ଜିଲ୍ଲା ଅନ୍ତର୍ଗତ ବାଲିକୁଦା ଥାନା ର ବାଲିସାହି ଗ୍ରାମରେ | ବାଲିକୁଦା ଥାନା ର ତହସିଲ ଛକ ନିକଟରେ ଏକ ଅଟୋ ଓଲଟି ଚାଳକ ର ମୃତ୍ୟୁ ର କରଣ ପାଲଟିଛି | ଘଟଣା ଅନୁସାରେ ବାଲିକୁଦା ଅଞ୍ଚଳ ବାଲିସାହି ଗ୍ରାମର ଟୁକୁନା ଦାସ ନିଜର ଜୀବିକା ନିର୍ବାହ ପାଇଁ ଏକ ଡ଼ାଲା ଅଟୋ କ୍ରୟ କରିଥିଲେ | ଆଜି ସେହି ଅଟୋ କୁ ନେଇ ବ୍ୟବସାୟ ନିମନ୍ତେ ଯାଉଥିବା ବେଳେ, ଅଟୋ ଟି ଭାରସାମ୍ୟ ହରାଇ ବିଲ କୁ ଓଲଟି ପଡି ଦୁର୍ଘଟଣା ଘଟିଥିଲା | ଯାହା ଫଳରେ ଅଟୋ ଚାଳକ ଟୁକୁନା ଦାସର ମୁଣ୍ଡରେ ଶକ୍ତ ଆଘାତ ଲାଗିଥିଲା | ଆଖପାଖ ର ପଡୋଶୀ ଲୋକ ମାନେ ଧାଇଁ ଆସିଲେ, ଏବଂ ତାଙ୍କୁ ତୁରନ୍ତ ବାଲିକୁଦା ସ୍ୱାସ୍ଥ୍ୟକେନ୍ଦ୍ର କୁ ନେଇଯାଇଥିଲେ | ମାତ୍ର ଦୁଃଖର ବିଷୟ ଏହିଁଯେ,ଡାକ୍ତର ସେହି ଠାରେ ତାଙ୍କୁ ମୃତ ବୋଲି ଘୋଷଣା କରିଥିଲେ | ଖବର ପାଇ ବାଲିକୁଦା ଥାନା ଅଧିକାରୀ ସେଠାରେ ପଂହଁଚି ଶବ ବ୍ୟବଚ୍ଛେଦ ପାଇଁ ଜଗତସିଂହପୁର ପଠାଇଛନ୍ତି ବୋଲି ସୂଚନା ମିଳିଛି | ଏହି ଦୁଃଖର ଖବର ଶୁଣି ବାଲିକୁଦା ଏରସମା ନିର୍ବାଚନ ମଣ୍ଡଳୀର ବହୁ ବଦାନ୍ୟ ବ୍ୟକ୍ତି ସେଠାରେ ପହଂଚି ଶୋକ ସନ୍ତପ୍ତ ପରିବାର କୁ ସାନ୍ତ୍ୱନା ପ୍ରଦାନ କରିଥିବାର ଦେଖିବାକୁ ମିଳିଥିଲା | ସମସ୍ତଙ୍କ ମୁହଁରେ ଗୋଟିଏ ଚର୍ଚ୍ଚା ହେଉଥିଲା, ଅଟୋ ସହିଲାନି ସୁଖ ସଂସାର ଛଡେଇ ନେଲା ସେ ଶଙ୍ଖା ସିନ୍ଦୁର |