ଡାବୁଗାଁ, ୫/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦର ମହକୁମା ଠାରେ ପୂର୍ବତନ ମୁଖ୍ୟମନ୍ତ୍ରୀ ତଥା ପ୍ରବାଦପୁରୁଷ ବିଜୁ ପଟ୍ଟନାୟକ ଙ୍କ ଜୟନ୍ତୀ ପାଳନ ହେବା ସହ ବ୍ଲକ ବିଜେଡି ତରଫରୁ ଏକ ସାଇକଲ ରାଲି ରବିବାର ଅନୁଷ୍ଠିତ ହୋଇଯାଇଛି । ଏହି ରାଲି ଡାବୁଗାଁ ମାଉସୀ ମାଁ ମନ୍ଦିର ଠାରୁ କଲେଜ ପଡିଆ ପର୍ଯ୍ୟନ୍ତ ହୋଇଥିଲା । 
ପରେ ଡାବୁଗାଁ ଯୁବ ବିଜେଡି ସଭାପତି ଟି ଯୁଗୁନୁ ଙ୍କ ନେତୃତ୍ବରେ ଡାବୁଗାଁ ବିଧାୟକ ପ୍ରତିନିଧି ଏମ ବୁଲୁ ରାଓ ଙ୍କ ସହଯୋଗ ରେ କଲେଜ ପଡିଆ ଠାରେ ଏକ୧୦୦ ମିଟର ବିଶିଷ୍ଟ ଧୀର ସାଇକଲ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି ପ୍ରତିଯୋଗିତା ୫୦ରୁ 
ଊର୍ଧ ପ୍ରତିଯୋଗୀ ଭାଗ ନେଇଥିଲେ ସେଥିମଧ୍ୟରୁ ପ୍ରଥମ , ଦ୍ୱିତୀୟ ଓ ତୃତୀୟ ସ୍ଥାନ ଗ୍ରହଣ କରିଥିବା ବ୍ୟକ୍ତି ଙ୍କୁ ଉପହାର ସ୍ବରୂପ ୭୦୦ ଟଙ୍କା , ୫୦୦ଟଙ୍କା ଓ ୩୦୦ ଟଙ୍କା ଯୁବ ବିଜେଡି ସଭାପତି ପ୍ରଦାନ 
କରିଥିଲେ । ଏହି ଅବସରରେ ଡାବୁଗାଁ ବିଧାୟକ ମନୋହର ରନ୍ଧାରି , ବ୍ଲକ ବିଜେଡି ସଭାପତି ସୁରେନ୍ଦ୍ର କୁମାର ମିଶ୍ର, ଜୋନ ୧ଓ ୨ର ଜିଲ୍ଲାପରିଷଦ ସଭ୍ୟ ଧନସିଂ ଭତ୍ରା, ଗୁପ୍ତ ବିଶୋଇ , ଏମପି ପ୍ରତିନିଧି ଏମ ଅପ୍ପା ରାଓ, ବିଧାୟକ ପ୍ରତିନିଧି ଏମ ବୁଲୁ ରାଓ , ଯୁବ ଛାତ୍ର ବବଲୁ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ ।
ଡାବୁଗାଁରୁ ପ୍ରଜ୍ଞା ରଞ୍ଜନ ପରିଡାଙ୍କ ରିପୋର୍ଟ
