ୟୁକ୍ରେନ – ରୁଷ୍ ମଧ୍ୟରେ ବିବାଦ ବଢିବାରେ ଲାଗିଛି ଯାହାଦ୍ୱାରା ଯୁଦ୍ଧ ଭଲି ପରିସ୍ଥିତି ସୃଷ୍ଟି ହୋଇଛି। ଏହାକୁ ଦୃଷ୍ଟିରେ ରଖି ଭାରତ ସରକାର ୟୁକ୍ରେନ ରେ ଫସିଥିବା ଭାରତୀୟ ଙ୍କୁ ଉଦ୍ଧାର ପାଇଁ ଅଭିଯାନ ଆରମ୍ଭ କରିଛନ୍ତି। ମଙ୍ଗଳବାର ଏୟାର ଇଣ୍ଡିଆ ର ବିମାନ କିଭ ରୁ ଉଡାଣ କରିଛି, ବିମାନ ଟି ରାତି ୧୦ ଟା ୧୫ ରେ ଦିଲ୍ଲୀ ବିମାନବନ୍ଦର ରେ୨୪୨ ଜଣ ଙ୍କୁ ନେଇ ଅବତରଣ କରିବା ସୂଚନା ରହିଛି। ଆଗାମୀ ଫେବୃଆରୀ ୨୪ ଓ ଫେବୃଆରୀ ୨୬ ରେ ମଧ୍ଯ ୟୁକ୍ରେନ ରେ ଫସିଥିବା ଭାରତୀୟ ଙ୍କୁ ଉଦ୍ଧାର କାର୍ଯ୍ୟ ଜାରି ରହିବ। ପୂର୍ବରୁ କେବେ ୟୁକ୍ରେନ କୁ ଉଡାଣ କରିନଥିବା ଏୟାର ଇଣ୍ଡିଆ ବର୍ତ୍ତମାନ ପ୍ରଥମ ଥର ପାଇଁ ଉଡାଣ କରିଛି। ଆସନ୍ତା ସପ୍ତାହରେ ମଙ୍ଗଳବାର, ଗୁରୁବାର, ଓ ଶନିବାର ଦିନ ଭାରତ ରୁ ୟୁକ୍ରେନ ଅଭିମୁଖେ ୨୫୬ ସିଟ୍ ବିଶିଷ୍ଟ ବୋଇଂ ବିମାନ୭୮୭ ପ୍ରେରଣ କରାଯିବା ଯୋଜନା ରହିଛି। ସହ ସଂପାଦକ ଅର୍ଜୁନ ପଟ୍ଟନାୟକ ଙ୍କ ରିପୋର୍ଟ ।
