ରାୟଗଡା -; ଗତକାଲି ପଦ୍ମପୁର ବ୍ଲକ ଅନ୍ତର୍ଗତ “କ” ଓ “ଖ” ପରିଷଦ ଜୋନ୍ ଏବଂ ଗୁଡାରୀ ବ୍ଲକ ଅନ୍ତର୍ଗତ ଏକମାତ୍ର ଜିଲ୍ଲା ପରିଷଦ ଜୋନ୍ ଠାରେ ବିଶାଳ ବାଇକ ରାଲି ଆୟୋଜିତ ହୋଇଥିଲା। ଏହି ଅବସରରେ ରାଜ୍ୟସଭା ସାଂସଦ ଶ୍ରୀ ଏନ ଭାସ୍କରରାଓ , ବିଜୁ ଜନତା ଦଳର ଜିଲ୍ଲା ସଭାପତି ଶ୍ରୀ ସୁଧୀର କୁମାର ଦାସ , ଗୁଣୁପୁର ବିଧାୟକ ଶ୍ରୀ ରଘୁନାଥ ଗୋମଙ୍ଗୋ , ବିଜୁ ଯୁବ ଜନତା ଦଳର ସଭାପତି ଶ୍ରୀ ଦେବାଶିଷ ଖଡଙ୍ଗl , ବିଜୁ ମହିଳା ଜନତା ଦଳର ସଭାନେତ୍ରୀ ଶ୍ରୀମତି ଅନୁଷୟ ମାଝୀ , ବିଜୁ ଛାତ୍ର ଜନତା ଦଳର ସଭାପତି ଶ୍ରୀ ପୀଙ୍କୁ ପଣ୍ଡା , ବିଜୁ ମହିଳା ଜନତା ଦଳର ରାଜ୍ୟ ଉପସଭାନେତ୍ରୀ ଶ୍ରୀମତି ସୁଜାତା ପାଳ ଙ୍କ ସମେତ ପଦ୍ମପୁର ଏବଂ ଗୁଡାରୀ ବ୍ଲକ ର ସମସ୍ତ ବରିଷ୍ଠ , ଯୁବ, ଛାତ୍ର ଏବଂ ମହିଳା ନେତୃବୃନ୍ଦ ଏବଂ କର୍ମୀ ଉପସ୍ଥିତ ଥିଲେ। ଉଭୟ ବ୍ଲକର ବିଭିନ୍ନ ପଞ୍ଚାୟତ ଅଧିନସ୍ତ ଅନେକ ଗ୍ରାମରେ ଏହି ରାଲି ଦ୍ୱାରା ଦଳର ଶକ୍ତି ପ୍ରଦର୍ଶନ କରିବା ସହ ବିଜୁ ଜନତା ଦଳର ପ୍ରାର୍ଥୀ/ପ୍ରାର୍ଥୀନୀ ଙ୍କୁ ଶଙ୍ଖ ଚିନ୍ହରେ ଭୋଟ ପାଇଁ ଭୋଟର ମାନଙ୍କୁ ନିବେଦନ କରାଯାଇଥିଲା l
