ଥୁଆମୂଳ ରାମପୁର:୨୩/୨- ମସୀହା:- କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ବ୍ଳକର ଇନ୍ଦିରାବତୀ ବୁଢୀ ଅଞ୍ଚଳରେ ଭୋଟ ଦାନ କେନ୍ଦ୍ର କୁ ମଟର ବୁଟ୍ ଯୋଗେ ଯାଇଛନ୍ତି। ବୁଢୀ ଅଞ୍ଚଳରେ ୧୧ ଟି ବୁଥ୍ ସ୍ଥାପନ କରାଯାଇଛି। ଆଜି ସକାଳୁ କର୍ମଚାରୀ ମାନେ ମଟର ବୋଟ ଯୋଗେ ଜଳଭଣ୍ଡାର ଯାତ୍ରା କରିଛନ୍ତି। 
ତେବେ ସରକାରଙ୍କ ପକ୍ଷରୁ ଏହି ବୁଢୀ ଅଞ୍ଚଳର ଜନସାଧାରଣଙ୍କୁ ଅଣଦେଖା କରାଯାଇଛି।ଯାହାଫଳରେ ସେମାନେ ଅନେକ ସମୟରେ ବିଭିନ୍ନ ସମସ୍ୟା ଦେଇ ଗତି କରୁଛନ୍ତି। ଅନ୍ଯ ପକ୍ଷରେ ଭୋଟ ସମୟ କର୍ମଚାରୀ ମାନେ ମଧ୍ୟ ଅସୁବିଧା ଭୋଗୁଛନ୍ତି। ବିପଦ ସଙ୍କୁଳ ଜଳଯାତ୍ରା କରିବାକୁ ପଡୁଛି। ବହୁ ଦିନ ପରେ ମଧ୍ୟ ଏହି ବୁଢୀ ଅଞ୍ଚଳକୁ ପୋଲ ନଥିବା ଯୋଗୁଁ ଏବେ ବି ଜଳଭଣ୍ଡାର ଘେରରେ ଜୀବନ ଯାପନ କରୁଛନ୍ତି।
ଥୁଆମୂଳ ରାମପୁର ବ୍ଳକରୁ ବଳଭଦ୍ର ବାଗଙ୍କ ରିପୋର୍ଟ
