ନୂଆପଡା: ବୋଡେ଼ନ ବ୍ଲକ ର ୦୨ ଗୋଟି ଜିଲ୍ଲା ପରିଷଦ ଯୋନ ର ସଭ୍ୟ ପଦ, ୧୪ – ଗୋଟି ଗ୍ରାମ ପଞ୍ଚା ୟତର ସରପଞ୍ଚ, ୧୫ – ଗୋଟି ପଞ୍ଚାୟତ ସମିତି ସଭ୍ୟ ପଦବୀ ଓ ୧୯୩୮ – ଗୋଟି ୱାର୍ଡ ସଭ୍ୟ ପଦ ନିମନ୍ତେ ପୂର୍ବାହ୍ନ ୭ ଘଟିକା ଠାରୁ ଅପରାହ୍ନ ୧ ଘଟିକା ମଧ୍ୟରେ ବୋଡେନ ବ୍ଲକର ସମସ୍ତ ଭୋଟ ଗ୍ରହଣ କେନ୍ଦ୍ର ରେ ଭୋଟ ଗ୍ରହଣ ଅନୁଷ୍ଠିତ ହୋଇଯାଇଛି ।
ବୋଡେନ ବ୍ଲକର ୧୫ ଗୋଟି ଗ୍ରାମପଞ୍ଚାୟତ ରେ ସରପଞ୍ଚ ପଦବୀ ନିମନ୍ତେ ୭୩ ଜଣ ପ୍ରାର୍ଥୀ / ପ୍ରାର୍ଥନୀ ମାନେ ପ୍ରତିଦ୍ବନ୍ଦିତା କରୁଛନ୍ତି । ସେହିପରି ୧୫ ଗୋଟି ପଞ୍ଚାୟତ ସମିତି ନିର୍ବାଚନ ମଣ୍ଡଳୀର ସମିତି ସଭ୍ୟ ପଦ ନିମନ୍ତେ ୪୯ ଜଣ ପ୍ରାର୍ଥୀ / ପ୍ରାର୍ଥନୀ ପ୍ରତିଦ୍ବନ୍ଦିତା କରୁଥିବା ବେଳେ ୦୯ ଗୋଟି ଗ୍ରାମପଞ୍ଚାୟତ ଯଥା ଖଇରା ଗ୍ରାମ ପଞ୍ଚାୟତର ସମିତି ସଭ୍ୟ ପଦ ପାଇଁ ନିଦ୍ବନ୍ଦରେ ନିର୍ବାଚିତ ହୋଇଛନ୍ତି । ସେହିପରି ପଞ୍ଚାୟତ ସମିତି ର ସର୍ବ ମୋଟ ୧୯୩ ଗୋଟି ୱାର୍ଡ ସଭ୍ୟପଦ ମଧ୍ୟରୁ ୧୦୧ ଗୋଟି ୱାର୍ଡ ରେ ନିର୍ଦ୍ୱନ୍ଦ ରେ ୱାର୍ଡ ସଭ୍ୟ ନିର୍ବାଚିତ ହୋଇଥିବା ସ୍ଥଳେ ଅବଶିଷ୍ଟ ୯୨ ଗୋଟି ୱାର୍ଡ ର ସଭ୍ୟ ପଦ ପାଇଁ ୨୯୩ ଜଣ ପ୍ରାର୍ଥୀ / ପ୍ରାର୍ଥିନୀ ପ୍ରତିଦ୍ବନ୍ଦିତା କରୁଛନ୍ତି । ବୋଡେନ ପଞ୍ଚାୟତ ସମିତି ର ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ସର୍ବ ମୋଟ ୭୨ ୨୯୯ ଭୋଟର ସେମାନଙ୍କର ମତ ସାବ୍ୟସ୍ତ କରିଛନ୍ତି । ସେମାନଙ୍କ ମଧ୍ୟରୁ ୩୧,୨୯୦ ପୁରୁଷ ଓ ୩୧,୦୦୧ ଜଣ ମହିଳା ଭୋଟର ଅଛନ୍ତି।
ବୋଡେନ ପଞ୍ଚାୟତ ସମିତି ର ସମୁଦାୟ ୧୯୩ ଗୋଟି ଭୋଟ ଗ୍ରହଣ କେନ୍ଦ୍ର ରୁ ୪୦ ଗୋଟି ଭୋଟ ଗ୍ରହଣ କେନ୍ଦ୍ର କୁ ସମ୍ବେଦନଶୀଳ ଓ ୨୮ ଗୋଟି ଭୋଟ ଗ୍ରହଣ କେନ୍ଦ୍ର କୁ ଅତି ସମ୍ବେଦନଶୀଳ ଭୋଟ ଗ୍ରହଣ କେନ୍ଦ୍ର ଭାବରେ ଚିହ୍ନଟ କରାଯାଇଛି । ଏହି ଭୋଟ ଗ୍ରହଣ କେନ୍ଦ୍ର ମାନଙ୍କରେ ଆଇନ ଶୃଙ୍ଖଳା ପରିଚାଳନା କରିବା ପାଇଁ ଅଧିକରୁ ଅଧିକ ପୋଲିସ କର୍ମଚାରୀ ନିୟୋଜିତ ହୋଇଛନ୍ତି। ଏତଦ ବ୍ୟତୀତ ସେକ୍ଟର ଅଫିସର, ପୋଲିସ ପେଟ୍ରୋଲିଂ ଗାର୍ଡି ଓ ମାଜିଷ୍ଟ୍ରେଟଙ୍କ ଦ୍ବାରା ନିୟମିତ ବ୍ୟବଧାନରେ ତଦାରଖ କରିବା ପାଇଁ ପଦକ୍ଷେପ ନିଆଯାଇଛି ଏବଂ ଭୋଟ ଗ୍ରହଣ କେନ୍ଦ୍ର ମାନଙ୍କରେ ସୁରୁଖୁରୁରେ ମତଦାନ ନିମନ୍ତେ ୨୧୩ ଗୋଟି ପାଟ୍ରୋଲିଂ ପାର୍ଟି(ରିଜର୍ଭି ସହ) ନିଯୋଜିତ ହୋଇଛନ୍ତି । ଏଥ୍ନିମନ୍ତେ ୬୩୯ ଜଣ ସରକାରୀ କର୍ମଚାରୀ(ରିଜର୍ଭ ସହ) ପୂଲିଂ ଅଧିକାରୀଭାବରେ ନିଯୋଜିତ ହୋଇଥିବା ସ୍ଥଳେ ୧୯୩ ଜଣ ପୋଲିସ କର୍ମଚାରୀ ନିଯୋଜିତ ହୋଇଛନ୍ତି ଏବଂ ସମ୍ବେଦନଶୀଳ ଓ ଅତି ସମ୍ବେଦନଶୀଳ ଭୋଟ ଗ୍ରହଣ କେନ୍ଦ୍ର ମାନଙ୍କରେ ଅତିରିକ୍ତ ପୋଲିସ କର୍ମଚାରୀ ନିଯୋଜିତ ହେଇଛନ୍ତି ।
ଚଳିତ ନିର୍ବାଚନ ରେ ବୋଡେନ ବ୍ଲକ ପାଇଁ ଗୋଟିଏ ପିଂକ / ଗୋଲାପି ମହିଳା ପୋଲିଂ ବୁଥ ବୋଡେନ ବ୍ଲକର ରାନୀମୁଣ୍ଡା ପ୍ରାଥମିକ ବିଦ୍ୟାଳୟ ଠାରେ ଓ ଆଉ ଗୋଟିଏ ଅର୍ଦ୍ଧ ପିଙ୍କ / ଗୋଲାପି ମହିଳା ପୋଲିଂ ବୁଥ ବୋଡେନ ଗ୍ରାମପଞ୍ଚାୟତର ସେଣ୍ଟ୍ରାଲ ପ୍ରାଥମିକ ବିଦ୍ୟାଳୟ ଠାରେ ବ୍ୟବସ୍ଥା ହେଇଥିଲା ।ନୂଆପଡା ଜିଲ୍ଲାର ନିର୍ବାଚନ କାର୍ଯ୍ୟ ତଦାରଖ କରିବା ପାଇଁ ରାଜ୍ୟ ନିର୍ବାଚନ ଆୟୋଗଙ୍କ ଦ୍ବାରା ଶ୍ରୀ ପ୍ରଦୀପ କୁମାର ଗରଡିଆ , ଓ.ପ୍ର.ସେ, ସ୍ବତନ୍ତ୍ର ସଚିବ ପର୍ଯବେକ୍ଷକ ଓ ଶ୍ରୀମନୋରଞ୍ଜନ ସମନ୍ତରାୟ, ଓ.ଆ,ସେ, ପର୍ଯ୍ୟବେକ୍ଷକ ଭାବରେ ନିଯୁକ୍ତି ହେଇଛନ୍ତି । ନୂଆପଡ଼ା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ ।
