ରାଇଘର ୨୦/୦୩ ନବରଙ୍ଗପୁର ଜିଲ୍ଲା ରାଇଘର ସଦର ମହକୁମା ଠାରୁ କୁନ୍ଦେଇ କୁ ସଂଯୋଗ କରୁଥିବା ମୁଖ୍ୟ ରାସ୍ତାର ଯୋଡ଼ିଙ୍ଗା – ଦେଓଭରଣ୍ଡି ମଧ୍ୟ ରେ ଏକ ଧାନ ବୋଝେଇ ଟ୍ରକ ଓଲଟି ପଡ଼ିଥିବା ବେଳେ ଅଳ୍ପକେ ବର୍ତ୍ତି ଯାଇଛନ୍ତି ଡ୍ରାଇଭର l ତେବେ ଛତିଶଗଡ ଚାଲାଣ ହେଉଥିବା ଧାନ ଗାଡ଼ି ଉପରେ ରାଇଘର ପୋଲିସ ପ୍ରଶାସନ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରୁଥିବା ଜଣାପଡିଛି l
ଉମରକୋଟ ଅଞ୍ଚଳରୁ ଏକ ଟ୍ରକ ଗାଡି ନମ୍ବର ସିଜି ୧୭ସିଏ ୭୫୧୫ ଯୋଗେ ଧାନ ବୋଝେଇ ହୋଇ ଛତିଶଗଡ ଅଭିମୁଖେ ଯାଉଥିବା ବେଳେ କୁନ୍ଦେଇ ମୁଖ୍ୟ ରାସ୍ତାର ଯୋଡ଼ିଙ୍ଗା – ଦେଓଭରଣ୍ଡି ମଧ୍ୟ ସ୍ଥଳରେ ଭାରଶ୍ୟାମ ହରାଇ ବିଲ ମଧ୍ୟରେ ଓଲଟି ପଡ଼ିଥିଲା l ଗାଇ ଚୋରାଳି ସଙ୍ଗେ ସଙ୍ଗେ ଘଟଣା ସ୍ଥଳରେ ପହଞ୍ଚି ଡ୍ରାଇଭର କୁ ବାହାର କରି ହାଟଭରଣ୍ଡି ମେଡିକାଲ ରେ ଭର୍ତ୍ତି କରିଥିଲେ l ଖବର ପାଇ ରାଇଘର ଥାନା ପକ୍ଷରୁ ତଦନ୍ତ ଅଧିକାରୀ ପହଞ୍ଚି ତଦନ୍ତ ଆରମ୍ଭ କରିବା ସହ ଘଟଣା ସ୍ଥଳରେ ହୋମ୍ ଗାର୍ଡ ନିୟୋଜିତ କରିଥିଲେ l ତେବେ ବର୍ତ୍ତମାନ ମଧ୍ୟ ଧାନ ମଣ୍ଡି ଜାରୀ ରହିଥିବା ବେଳେ ଓଡ଼ିଶା ଧାନ ଛତିଶଗଡ ଚାଲାଣ ହେଉଥିବା ବେଳେ ପ୍ରଶାସନ ଗୁରୁତ୍ୱ ନ ଦେବା ଚର୍ଚ୍ଚାର ବିଷୟ ପାଲଟିଛି l ତେବେ ଗାଡ଼ିରେ କେତେ ବସ୍ତା ଧାନ ରହିଛି ପୋଲିସର ତଦନ୍ତ ପରେ ଜଣାପଡ଼ିବ l ଖୁଲମ୍ ଖୁଲା ଧାନ ମୁଖ୍ୟ ରାସ୍ତା ଦେଇ ଟ୍ରକ ଯୋଗେ ଚାଲାଣ ହେଉଥିବା ବେଳେ ପ୍ରଶାସନ ପକ୍ଷରୁ ଯାଞ୍ଚ କରା ଯାଉନାହିଁ l ସୀମାନ୍ତ ଅଞ୍ଚଳ ରୂପେ ରାଇଘର ବ୍ଲକରେ ଦୁଇ ଦୁଇଟି ଥାନା ରହିଥିବା ବେଳେ ମଣ୍ଡି ଆରମ୍ଭରୁ ଆଜି ପର୍ଯ୍ୟନ୍ତ ଖୁଲମ ଖୁଲା ଧାନ ଚାଲାଣ ହେଉଥିବା ବେଳେ ଗୋଟିଏ ଗାଡି ମଧ୍ୟ ଧରା ପଡ଼ି ନାହିଁ l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ୍
