ପାପଡାହାଣ୍ଡି 20/3, ମନିସ — – ନବରଙ୍ଗପୁର ଜିଲ୍ଲା ପାପଡାହାଣ୍ଡି ସ୍ଥିତ ସହିଦ ମିନାର ଠାରେ ଜିଲ୍ଲା ବିଜେଡି ମହିଳା ମୋର୍ଚା ର ସଭାନେତ୍ରୀ ମଞ୍ଜୁଳା ମାଝିଙ୍କ ଅଧ୍ୟକ୍ଷତା ରେ ଏକ ମହିଳା ସମାବେଶ ଅନୁଷ୍ଠିତ ହୋଇଯାଇଛି | ସମାବେଶରେ ମୁଖ୍ୟ ଅତିଥି ଭାବେ ନବରଙ୍ଗପୁର ଜିଲ୍ଲା ମହିଳା ମୋର୍ଚାର ପର୍ଯ୍ୟବେକ୍ଷକ ରୁନୁ ଜେନା, ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷ ମୋତିରାମ ନାୟକ ଉପସ୍ଥିତ ଥିଲେ | ଏହି ସମାବେଶ ର ମୁଖ୍ୟ ଉଦେଶ୍ୟ ଜିଲ୍ଲାରେ ମହିଳା ମାନଙ୍କ ସଶକ୍ତିକରଣ କରି ଅଧିକ ରୁ ଅଧିକ ମାତ୍ରାରେ ବିଜେଡି ରେ ଜଡିତ କରିବା | ଜେନା ନବୀନ ବାବୁଙ୍କ ସୁଶାସନ , ମହିଳା ମାନଙ୍କୁ ସ୍ୱୟଂ ସହାୟକ ଗୋଷ୍ଠୀ ମାଧ୍ୟମରେ ସଶକ୍ତିକରଣ କରିବା , ମହିଳାଙ୍କୁ ଶିକ୍ଷିତ କରି ତାଙ୍କ ଆର୍ଥିକ ସ୍ଥିତି ସୁଦୃଢ କରିବା , ମହିଳାମାନଙ୍କୁ 33% ସବୁକ୍ଷେତ୍ରରେ ସୁବିଧା କରିବା , ନବୀନ ବିଜୁ ବାବୁଙ୍କ ସ୍ବପ୍ନ ର ଓଡିଶା ଗଠନ କରିବାରେ ମହିଳା ମାନଙ୍କ ଭୂମିକା ଉପରେ ଆଲୋକପାତ କରିଥିଲେ | ଏହି 
ସମାବେଶରେ ପାପଡାହାଣ୍ଡି ବ୍ଲକ ର 23 ଗୋଟି ପଂଚାୟତ ର ସମସ୍ତ ପଂଚାୟତ ସଭାନେତ୍ରୀ , ଓ ସମ୍ପାଦିକା ଉପସ୍ଥିତ ଥିଲେ | ଏଥିରେ ବ୍ଲକ ର ବିଜେଡି ମହିଳା ସରପଞ୍ଚ ଓ ସମିତି ସଭ୍ୟା ମଧ୍ୟ ଉପସ୍ଥିତ ଥିଲେ | ଅନ୍ୟ ମାନଙ୍କ ମଧ୍ୟରେ ପାପଡାହାଣ୍ଡି ବ୍ଲକ ଉପାଧକ୍ଷ ସୁଶାନ୍ତ ବେହେରା , ପାପଡାହାଣ୍ଡି ବ୍ଲକ ବିଜେଡି ସଭାପତି ବିଦ୍ୟାଧର ମଲ୍ଲିକ , ବ୍ଲକ କାର୍ଯ୍ୟକାରୀ ସଭାପତି ତୁଳସା ଭତରା , ଆଦିବାସୀ ବିକାଶ ପରିଷଦର ଉପ ସଭାନେତ୍ରୀ ଭାନୁମତି ପୂଜାରୀ , ପାପଡାହାଣ୍ଡି ବ୍ଲକ ବିଜେଡି ମହିଳା ସଭାନେତ୍ରୀ ଚନ୍ଦ୍ରା ମାଝୀ , ସୁଜାତା ନାୟକ , ଭଗବତୀ ଭତରା, ତ୍ରିନାଥ ପ୍ରଧାନ, ଶିବ ପ୍ରସାଦ ଅଗ୍ରୱାଲ , ପରେଶ ଜେନା , ଡାବୁଗାଁ ନିର୍ବାଚନ ମଣ୍ଡଳୀ ବିଜେଡି ଯୁବ ସଭାପତି ରାଜେନ୍ଦ୍ର କଚିମ , ଅକ୍ଷୟ ସାହୁ , କୁଶ ମାଝୀ, ଉପସ୍ଥିତ ଥିଲେ | ପାପଡାହାଣ୍ଡି ବ୍ଲକ ର ଶତାଧିକ ମହିଳା ସଭ୍ୟା ଉପସ୍ଥିତ ଥିଲେ |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
