ନୂଆପଡା, ଆସନ୍ତା ୨୪ ତାରିଖ ରୁ ୨୬ ତାରିଖ ପର୍ଯ୍ୟନ୍ତ କୋମନା ବ୍ଲକ ଭେଳା ଜଗନ୍ନାଥ ମନ୍ଦିର ପରିସରରେ ହେବାକୁ ଥିବା ଷୋହଳ ପ୍ରହରୀ ନାମଯଜ୍ଞ ପାଇଁ ଜଗନ୍ନାଥ ମନ୍ଦିର ଠାରେ ବୁଧବାର ସନ୍ଧ୍ୟା ୬ ଟା ସମୟରେ ଭେଳା ସରପଞ୍ଚ ବିମଲ୍ ଯୋଷୀଙ୍କ ସଭାପତିତ୍ବ ରେ ଏକ ଜରୁରୀ ବୈଠକ ଅନୁଷ୍ଠିତ ହୋଇଯାଇଛି।। ଉକ୍ତ ବୈଠକରେ ଭେଳା ଗ୍ରାମ ବାସୀଙ୍କ ସର୍ବସମତି କ୍ରମେ ପାଣିପାଗ ବିଭାଗ ର ସୂଚନା କୁ ଦୃଷ୍ଟିରେ ରଖି ୧୬ ପ୍ରହରୀ ନାମ ଯଜ୍ଞ କୁ ବାତିଲ କରିବାକୁ ନିଷ୍ପତି ନିଆଗଲା।। ଓଡ଼ିଶା ପାଣିପାଗ ବିଭାଗ ର ସୂଚନା ଅନୁସାରେ ଆସନ୍ତା ୨୩ ତାରିଖରୁ ଆଉ ଗୋଟିଏ ପଶ୍ଚିମାଝଡ଼ ଆସୁଥିବା ସୂଚନା ରହିଛି,ଯାହା ଫଳରେ ପ୍ରବଳ ବର୍ଷା ସାଙ୍ଗକୁ କୁଆପଥର ମାଡ଼ ଓ ଝଡ଼ ତୋଫାନ ହେବାର ଆଶଙ୍କା ଥିବାରୁ ନାମ ଯଜ୍ଞ ହେବା ସମ୍ଭବ ହୋଇ ପାରୁନି।। ତେଣୁ ଗ୍ରାମ ବାସୀଙ୍କ ତରଫରୁ ୧୬ ପ୍ରହରୀ ନାମ ଯଜ୍ଞ ବାତିଲ କରିବାକୁ ନିଷ୍ପତି ନିଆଗଲା।। ଉକ୍ତ ୧୬ ପ୍ରହରୀ ନାମଯଜ୍ଞ ଆସନ୍ତା ମେ ମାସ ୧୬ ରୁ ୧୮ ତାରିଖ ପର୍ଯ୍ୟନ୍ତ ହେବାକୁ ସ୍ଥିର କରାଗଲା।। ଉକ୍ତ ବୈଠକରେ ବିମଲ୍ ଯୋଷୀ, ସନ୍ତୋଷ ସୂପକାର, ଗୁଣସାଗର ନିଆଳ, ଚନ୍ଦ୍ର ପ୍ରକାଶ ଯୋଷୀ, ପ୍ରଭାସ ଚନ୍ଦ୍ର ମହାନ୍ତି, ଦେବାନନ୍ଦ ଚଣ୍ଡୀ, ଶ୍ୟାମ ସୁନ୍ଦର ମିଶ୍ର, ସୁଧୁରାମ୍ ମାଝୀ, ଚିତରଞ୍ଜନ ବନଗୋଲା, ସପ୍ନେଶ୍ୱର୍ ଯୋଷୀ, ସଞ୍ଜୀବ ମିଶ୍ର, ତାରାନନ୍ଦ ଶବର, ତୁକାରାମ୍ କମ୍ପାନ,ଜଗମୋହନ ବନଗୋଲା, ଧରମ ସିଂ ଦଣ୍ଡସେନା,ଭୁବନେଶ୍ୱର ମିଶ୍ର, ଆମ୍ବରନାଥ ଯୋଷୀ, ରାଧାକାନ୍ତ ତାଣ୍ଡି, ମକାରୁ କୁମ୍ଭାର, ରାଧେ ଶବର, ନଟ ଆଡ଼ବଙ୍ଗ, ଚିନ୍ମୟ କୁମ୍ଭାର, ନିଳାମ୍ବର ଦଣ୍ଡସେନା, ରାଜ କୁମାର ନିଆଳ, ହେତୁରାମ ଶବର, ପ୍ରମୁଖ ଉପସ୍ଥିତ ଥିଲେ।
ନୂଆପଡା ରୁ ସୁଜିତ କୁମାର ପ୍ରଧାନଙ୍କ ରିପୋର୍ଟ