ବନ୍ଧୁଗାଁ ତା ୩୧/୩/୨୩ କୋରାପୁଟ ଜିଲ୍ଲା ବନ୍ଧୁଗାଁ ସରକାରୀ ଉଚ୍ଚ ବିଦ୍ୟାଳୟ ପରିସରରେ ଚଳିତ ବର୍ଷ ୯ମ ଶ୍ରେଣୀର ଛାତ୍ରଛାତ୍ରୀ ମାନଙ୍କ ପରୀକ୍ଷା ଫଳାଫଳ ସ୍ଥାନୀୟ ବିଧାୟକ ପ୍ରତିନିଧି ରବୀନ୍ଦ୍ର ଦେବରପଲ୍ଲୀ , ସରପଞ୍ଚ ଲକ୍ଷ୍ମୀ କାଡ୍ରାକାଙ୍କ ଉପସ୍ଥିତିରେ ପ୍ରଧାନ ଶିକ୍ଷୟତ୍ରୀ ରଶ୍ମିତା ସେଠୀଙ୍କ ସଭାପତିତ୍ବରେ ଛାତ୍ରଛାତ୍ରୀ ଓ ଅବିଭାବକ ମାନଙ୍କୁ ନେଇ ଚଳିତ ବର୍ଷର ପରୀକ୍ଷା ଫଳ ପ୍ରକାଶିତ 
କରାଯାଇଛି । ଏହା ସହିତ ଚଳିତ ଶିକ୍ଷା ବର୍ଷ ଠାରୁ ସରକାରୀ ଉଚ୍ଚ ବିଦ୍ୟାଳୟକୁ ସରକାରଙ୍କ ତରଫରୁ ଅପ ଗ୍ରେଡଡେ ହୋଇ +୨ ବିଜ୍ଞାନ ପାଠ ପଢା ଆରମ୍ଭ କରିବା ପାଇଁ ସରକାରଙ୍କ ନିର୍ଦ୍ଦେଶ ଥିବା ସୁଚନା ଦେଇଥିଲେ । ଚଳିତ ବର୍ଷ ୧୦ ମ ଶ୍ରେଣୀ ପରୀକ୍ଷା ଫଳ ପ୍ରକାଶିତ ହେବା ପରେ ଏଠାରେ +୨ ବିଜ୍ଞାନ ପାଠ ପଢା ପାଇଁ ୧୨୮ ଜଣ ଛାତ୍ରଛାତ୍ରୀ ଙ୍କ ପାଇଁ ସିଟ୍ ଥିବା ଜଣାଇ ଥିଲେ। ଏଥି ପାଇଁ ଅତି ଶୀଘ୍ର କଲେଜ ଗୃହ ନିର୍ମାଣ କରାଯାଇଛି।+୨ ବିଜ୍ଞାନ ପ୍ରଥମ ବର୍ଷ ଛାତ୍ରଛାତ୍ରୀ ମାନଙ୍କୁ ବର୍ତ୍ତମାନ ଥିବା କିଛି ବିଜ୍ଞାନ ଶିକ୍ଷକ ମାନଙ୍କ ଦ୍ଵାରା ପାଠ ପଢା କରାଯିବ । ଏହା ପରେ ରଜ୍ୟ ସରକାରଂକ ପକ୍ଷରୁ ୮ ଜଣ ଲେକ୍ଚର ରହିବେ। ବନ୍ଧୁଗାଁ ବ୍ଲକ ଆନ୍ଧ୍ରପ୍ରଦେଶ ର ସୀମାନ୍ତ ଅଞ୍ଚଳ ହୋଇଥିବାରୁ ୯୫ ଭାଗ ଗରିବ ଆଦିବାସୀ ପରିବାର ବସବାସ କରନ୍ତି । ଗରିବ ଆଦିବାସୀ ଛାତ୍ରଛାତ୍ରୀ +୨ ବିଜ୍ଞାନ ପାଠ ପଢିବା ପାଇଁ ହଷ୍ଟେଲ ବ୍ୟବସ୍ଥା କରିବା ସ୍ଥାନୀୟ ସାଂସଦ ଓ ବିଧାୟକଙ୍କୁ ବନ୍ଧୁଗାଁ ବ୍ଲକ ନିବାସୀ ଗଣମାଧ୍ୟମଙ୍କ ଜରିଆରେ ଅନୁରୋଧ କରିଛନ୍ତି । ଏହି ସରକାରୀ ଉଚ୍ଚ ବିଦ୍ୟାଳୟ ବନ୍ଧୁଗାଁ ବ୍ଲକର ସର୍ବ ପୁରାତନ ସ୍କୁଲ ଅଟେ ଏଠାରୁ ବହୁ ଛାତ୍ରଛାତ୍ରୀ ପାଠ ପଢି ବନ୍ଧୁଗାଁ ବ୍ଲକ ପାଇଁ ଗର୍ବ ଓ ଗୌରବ ଅର୍ଜନ କରିଛନ୍ତି। ଆଜି ସେହି ସ୍କୁଲକୁ ଓପ ଗ୍ରେଡଡେ କରାଯାଇ +୨ ବିଜ୍ଞାନ ପାଠ ପଢା ଆରମ୍ଭ କରାଯାଉ ଥିବାରୁ ବନ୍ଧୁଗାଁ ବ୍ଲକର ସମସ୍ତ ଜନସାଧାରଣ ଙ୍କ ସପ୍ନ ସାକାର ହୋଇଛି । ଏଥିପାଇଁ ରାଜ୍ୟ ସରକାର ଙ୍କୁ ଅନେକ ଅନେକ ଶୁଭେଚ୍ଛା ଓ ଧନ୍ୟବାଦ ଅର୍ପଣ କରାଯାଉଅଛି ।
ବନ୍ଧୁଗାଁ ରୁ ସଂଜୀବ କୁମାର ବାଙ୍ଗାରି ଙ୍କ ରିପୋର୍ଟ
