ନୂଆପଡା-ସରି ଯାଇଛି ନିର୍ବାଚନ,ଘୋଷିତ ହୋଇଛି ଫଳାଫଳ । ଜିଲ୍ଲାର ୧୪ଟି ଜିଲ୍ଲା ପରିଷଦ ଜୋନରୁ ୧୨ ଜୋନରେ ଶାସକ ବିଜେଡି କବଜା କରି ଥିବା ବେଳେ ଗୋଟିଏ ଆସନ ବିଜେପି ଓ ଗୋଟିଏ ଆସନ କଂଗ୍ରେସ ହାତକୁ ଯାଇଛି । ସବୁଠୁ ଆଶ୍ଚର୍ଯ୍ୟର କଥା ହେଲା ଜିଲ୍ଲାରେ ଅଛନ୍ତି ବିଜେପିର ସାଂସଦ ବସନ୍ତ ପଣ୍ତା, ନୂଆପଡାରେ ବିଜେଡିର ବିଧାୟକ ରାଜେନ୍ଦ୍ର ପ୍ରସାଦ ଢୋଲକିଆ ଓ ଖଡିଆଳରେ କଂଗ୍ରେସର ବିଧାୟକ ଅଧିରାଜ ପାଣିଗ୍ରାହି । 
ଚିନ୍ତାର କାରଣ ଥିଲା ୩ ନେତା ଯୋରଦାର ନିର୍ବାଚନରେ ମୁକାବିଳା କରିବେ । ପରିଷଦ ଝୁଲା ହେବ । କିନ୍ତୁ ବିଜେଡି ବିଧାୟକଙ୍କ ସଦର ବ୍ଲକରେ ଗୋଟିଏ ଆସନରେ କଂଗ୍ରେସ ଆସିଲା,କଂଗ୍ରେସ ବିଧାୟକଙ୍କ ବିଧାୟକଙ୍କ ଅଂଚଳରେ ଗୋଟିଏ ଆସନରେ ବିଜେପି ଆସିଲା । କିନ୍ତୁ ପରିଷଦକୁ ହାତେଇ ନେଇଛି ବିଜେଡି । ଗତ ନିର୍ବାଚନରେ ଖାତା ଖୋଲି ପାରି ନ ଥିବା ବିଜେପି ପାଇଁ ଆଶା ଦେଖାଇ ମାନ ରକ୍ଷା କଲେ ଆଶା ଜୈନ ଏବଂ ବିଜେଡି ଗଡରେ ହାତକୁ ସମର୍ଥନ କରି ଭରତଲାଲ ରାଉତଙ୍କୁ ବିଜୟୀ କରିଛନ୍ତି ଭୋଟର ।ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
