ଡାବୁଗାଁ, ୧/୪ (ମ.ନି.ସ.)- ଦଶ ବର୍ଷ ହେଲା ଦାଦନ ଖଟିବାକୁ ଯାଇ ଆଉ ଫେରି ନାହାନ୍ତି, ଫେରିବାର ଆଶା ଛାଡି ପରିବାର ଲୋକ ତାଂକ ସ୍ତ୍ରୀ ଙ୍କ ଶଙ୍ଖା ଭାଙ୍ଗିବା ସହ ସିନ୍ଦୂର ପୋଛି ନିଖୋଜ ବ୍ୟକ୍ତି ଙ୍କ ଦଶାହ କାର୍ଯ୍ୟ ସମ୍ପନ୍ନ କରା ଯାଇଛି । ଏଭଳି ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଧାମନାଗୁଡ଼ା ଗ୍ରାମରେ। ପରିବାର ଓ ସମାଜ ଏହି ଶୁଦ୍ଧ କାର୍ଯ୍ଯ ସପକ୍ଷ ରେ ଥିବା ବେଳେ ଗ୍ରାମର ବୁଦ୍ଧିଜୀବୀ ନାପସନ୍ଦ କରିଛନ୍ତି, ଜଣେ ବ୍ୟକ୍ତି ଙ୍କ ମୃତ୍ୟୁ ର ସଠିକ ଖବର ନଥିବା ବେଳେ ଏମିତି କଲେ ବିଧବା ଭତ୍ତା ଭଳି ଆଦି ବିଭିନ୍ନ ସରକାରୀ ସୁବିଧା ରୁ ବଞ୍ଚିତ ହେବେ। ପ୍ରାପ୍ତ ସୂଚନା ଅନୁସାରେ ଧାମନାଗୁଡ଼ା ଗ୍ରାମର ଅସମନ୍ କଲାର ସ୍ତ୍ରୀ ଭଗବତୀ କଲ|ର ସହ ଦୁଇ ପୁଅ ଏବଂ ପାଞ୍ଚ ଟି ଝିଅ ଏମିତି ସୁଖ ଦୁଃଖ ର ସଂସାର ଚାଲୁଥିଲା | ହେଲେ ଅଭାବି ପେଟ କୁ ଦାନା ଯୋଗାଇବା ପାଇଁ ୨୦୧୩ ମସିହାରେ ନିକଟସ୍ଥ ଖୁଟବାଇ ଗ୍ରାମ 
ରେ ବାସ କରୁଥିବା ନିଜ ଶଳା ମଙ୍ଗରା କଳାର ଙ୍କ ସହ ଦାଦନ ଖଟିବାକୁ ଘରୁ ବାହାରିଥିଲେ । ଏବଂ ଉଭୟେ ପ୍ରଥେମେ ଆନ୍ଧ୍ର ପ୍ରଦେଶ ର ବିଶାଖାପାଟଣା କୁ ଯାଇଥିଲେ । ସେଠାରୁ ଅସମନ୍ ଙ୍କୁ କାମ ଯୋଗାଇବା ମାଲିକ ଆସି ନେଇଗଲା । କିନ୍ତୁ ସେହି ଦିନଠାରୁ ଅସମନ୍ ଙ୍କ ସହ ମଙ୍ଗରା ଙ୍କ ଦେଖା ସାକ୍ଷାତ୍ ହୋଇନାହିଁ । ପରେ ମଙ୍ଗରା ସେଠାରୁ ଫେରି ଆସିଥିଲେ ଏବଂ ଅସମନ୍ ଙ୍କ କିଛି ଖୋଜ ଖବର ନଥିବା କହିଥିଲେ । ପରେ ମଙ୍ଗରା ବାରମ୍ବାର ଅସମନ ଙ୍କୁ ଖୋଜିବାକୁ ଯିବା ପରେ ବି କୌଣସି ପତ୍ତା ମିଳିଲା ନାହିଁ । ପରବର୍ତ୍ତୀ ସମୟରେ ଘଟଣା ର ତିନି ବର୍ଷ ପରେ ଡାବୁଗାଁ ଥାନା ରେ ଏକ ନିରୁଦିର୍ଷ୍ଟ ମାମଲା ରୁଜ୍ଜୁ କରିଥିଲେ । ଏଭଳି ଭାବରେ ଦୀର୍ଘ ୧୦ ବର୍ଷ ବିତିଗଲା । ୧୦ ବର୍ଷ ପରେ ମଙ୍ଗରା କୁ ପୁଣିଥରେ ଅସମନ୍ କୁ ଖୋଜି ଆଣିବାକୁ କହିଥିଲେ । କିନ୍ତୁ ମଙ୍ଗର ମୁଁ ଆଉ ଖୋଜି ଆଣି ପାରିବନି କହୁଥିଲେ । ଏବଂ ସେଥିପାଇଁ ମୋତେ ଯାହା ଦଣ୍ଡ ଦେଲେ ମୁଁ ମାନିବାକୁ ରାଜି ବୋଲି କହିଥିଲେ । ପରେ ଅସମନ୍ ଙ୍କ ପରିବାର ଙ୍କ ପକ୍ଷ ରୁ ତାଙ୍କ ସମାଜ ର ସଭା ବସିଥିଲା । ଏବଂ ସମାଜ ପକ୍ଷରୁ ନିଷ୍ପତି ନିଆଗଲା ଯେ ନିଖୋଜ ର ୧୦ ବର୍ଷ ବିତି ଯାଇଥିବା ରୁ ଅସମନ୍ ଙ୍କୁ ମୃତ ଭାବି ତାର ଦଶାହ କାର୍ଯ୍ୟ କରିବାକୁ ନିଷ୍ପତି ନିଆଗଲା । ସଭାରେ ପୁଣି ନିଷ୍ପତି ନିଆଗଲା ଯେ ଯଦି ଭବିଷ୍ୟତ ରେ ଯଦି ଅସମନ ଘରକୁ ଫେରି ଆସନ୍ତି ତାହେଲେ ସେମାନଙ୍କୁ ପୁଣିଥରେ ଶଙ୍ଖା ସିନ୍ଦୂର ପିନ୍ଧାଇ ପୁନବିବାହ କରାଯିବ । ଅନ୍ୟ ପକ୍ଷେ ଗ୍ରାମରେ ବୁଦ୍ଧିଜୀବୀ ପ୍ରକାଶ କରିଛନ୍ତି ଯେ ମୃତ୍ୟୁ ର କୌଣସି ପ୍ରମାଣ ନଥାଇ ଦଶାହ କାର୍ଯ୍ୟ କରିବା ଠିକ୍ ନୁହେଁ । ଏହାଦ୍ବାରା ମୃତ୍ୟୁ ପ୍ରମାଣ ପତ୍ର ମିଳି ପାରିବନି ଫଳରେ ତାଙ୍କ ସ୍ତ୍ରୀ ଙ୍କ କୌଣସି ସରକାରୀ ସୁବିଧା ମିଳିବନି । ତେବେ ଅସମନ ମୃତ କି ଜୀବିତ ତାହା ନଜାଣି ଦଶାହ କାର୍ଯ୍ୟ କରିବା ଘଟଣା ଏହି ଅଞ୍ଚଳ ରେ ଚର୍ଚା ର ବିଷୟ ପାଲଟିଛି ।
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
