କୋକସରା,୧/୦୪- ପବିତ୍ର ଶ୍ରୀରାମ ନବମୀ ପାଇଁ ଗାଁ ଠୁ ସହର ରାମ ଧ୍ଵନିରେ ପ୍ରକମ୍ପିତ ହୋଇଛି। କୋକସରା ବ୍ଲକ ସଦର କୋକସରା ଶ୍ରୀରାମ ସେନା ପକ୍ଷରୁ କୋକସରା ଠାରୁ ଗୁଡହାଣ୍ଡି ଡୋକରୀଚଞ୍ଚରା ମଧୁ ମାଧବ ତୀର୍ଥ କ୍ଷେତ୍ର ପର୍ଯ୍ୟନ୍ତ ପବିତ୍ର ଶ୍ରୀରାମ ନବମୀ ମହୋତ୍ସବ ଅବସରରେ ବିଶାଳ ବାଇକ ଶୋଭାଯାତ୍ରା ଜଗନ୍ନାଥ ମନ୍ଦିର ଠାରୁ ଅନୁଷ୍ଠିତ ହୋଇଯାଇଛି। ଶ୍ରୀରାମ ସେନାର 
ଶତାଧିକ ଯୁବକ ଗୋଷ୍ଠି କୋକସରା ଜଗନ୍ନାଥ ମନ୍ଦିରରୁ ବାହାରି କାଉଡୋଳା, ଲଡୁଗାଁ, ଆମପାଣି ଦେଇ ଜୟ ଶ୍ରୀରାମ ଧ୍ଵନି ଦେଇ ବିରାଟ ପଟୁଆରରେ ଡୋକରୀଚଞ୍ଚରା ମଧୁ ମାଧବ ତୀର୍ଥରେ ପହଞ୍ଚିବା ପରେ ଶ୍ରୀରାମ ସେନା ପଟୁଆରକୁ ଗୁଡାହାଣ୍ଡି ଡୋକରୀଚଞ୍ଚରା ଉନ୍ନୟନ କମିଟି ପକ୍ଷରୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ। ଏହି ଶୋଭାଯାତ୍ରାରେ କୋକସରା ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ, ଛଗନ ଲାଲ ଶର୍ମା, ଯୁବ ସଙ୍ଗଠକ ମହେଶ କୁମାର ଗୁପ୍ତା, ଜିତାମିତ୍ର ପ୍ରଧାନୀ, କ୍ଷୀରସିନ୍ଧୁ ନେଗି, ମାନସ ବେହେରା, ସମୀର ପ୍ରଧାନୀ, ତପନ ମାଝୀ, ଅଧୁରାଜିତ ନାଏକ, ମୋକ୍ଷ୍ୟରାମ ପ୍ରଧାନୀ, ମୋହନ ରାଉତ, କାମାକ୍ଷ ନାଏକ, ସୁରଜ ନାଏକ, ବିବେକ ଶର୍ମା, ସଞ୍ଜୟ ସିଙ୍ଘଲ, ଅରୁଣ ଅଗ୍ରୱାଲ ସମେତ ଶତାଧିକ ଯୁବକ ମାନେ ସାମିଲ ହୋଇଥିଲେ।
ମସିହା ନିଉଜ ସର୍ଭିସ୍
