ଶ୍ରୀମଦ ଭାଗବତ କଥା ଜ୍ଞାନ ଯଜ୍ଞ ଆୟୋଜନ ପ୍ରସ୍ତୁତି
ନର୍ଲା,୨୧/୮ କଳାହାଣ୍ଡି ସ୍ଥିତ ରୁପ୍ରାରୋଡ ଶର୍ମା ପରିବାରଙ୍କ ସୌଜନ୍ୟରେ ରୂପ୍ରାରୋଡ଼ରେ ଶ୍ରୀମଦ ଭାଗବତ କଥା ଜ୍ଞାନ ଯଜ୍ଞ ଆୟୋଜନ ହେବାକୁ ସ୍ଥିର କରାଯାଇଛି। ଏହା ଚଳିତ ମାସ ୨୫ ତାରିଖ ଠାରୁ ୩୧ ଅଗଷ୍ଟ ପର୍ଯ୍ୟନ୍ତ ପାପନାଶିନୀ ଓ ମୋକ୍ଷଦାୟିନୀ ସଙ୍ଗୀତମୟୀ ଶ୍ରୀମଦ୍ଭାଗବତ କଥା ଜ୍ଞାନ ଯଜ୍ଞର ଆୟୋଜନ ଶ୍ରୀ ଦେବସର ଧାମରେ କରାଯାଇଛି। ଯେଉଁଠାରେ କଥା-ବ୍ୟାସ ଭାବେ ବ୍ରହ୍ମଚାରୀ ଶ୍ରୀ କୌଶିକ ଚୈତନ୍ୟଜୀ ମହାରାଜ ଅବତୀର୍ଣ୍ଣ ହେବେ ଏବଂ କର୍ତା ଶ୍ରୀ ରାଧେଶ୍ୟାମ ଶର୍ମା ତାଙ୍କ ସପତ୍ନୀ ସହିତ ପୂଜା କାର୍ଯ୍ୟ ତୁଲାଇବେ।
କାର୍ଯ୍ୟକ୍ରମ ଅନୁସାରେ ସୋମବାର ୨୫ ଅଗଷ୍ଟ ପ୍ରଭାତ ୯ଟାରେ କଳଶ ଯାତ୍ରା, ଦେବପୂଜନ ଓ କଥାର ଶୁଭାରମ୍ଭ ହେବ। ୨୬ ଅଗଷ୍ଟରେ ପରୀକ୍ଷିତ ସଂବାଦ, ଶୁକଦେବ ଆଗମନ ଓ ହିରଣ୍ୟାକ୍ଷ ବଧ, ୨୭ ଅଗଷ୍ଟରେ କପିଲ ଅବତାର ଓ ଧ୍ରୁବ ଚରିତ୍ର ୨୮ ଅଗଷ୍ଟରେ ବାମନ ଚରିତ୍ର, ବାସୁଦେବ ଜନ୍ମ ଓ ଶ୍ରୀକୃଷ୍ଣ ଜନ୍ମ; ୨୯ ଅଗଷ୍ଟରେ ଶ୍ରୀକୃଷ୍ଣ ବାଳଲୀଳା, ଦାନଲୀଳା ଓ ଗୋବର୍ଧନ ଲୀଳା, ୩୦ ଅଗଷ୍ଟରେ ଗୋପୀଗୀତ, ମହାରାସ ଓ ରୁକ୍ମିଣୀ ବିବାହ ଓ ୩୧ ଅଗଷ୍ଟରେ ଶ୍ରୀକୃଷ୍ଣ–ସୁଦାମା ଚରିତ୍ର, ପରୀକ୍ଷିତ ମୋକ୍ଷ ସହିତ କଥା ସମାପନ ହେବ। ପୂର୍ଣ୍ଣାହୁତି ଓ ହବନ ୧ ସେପ୍ଟେମ୍ବର ପ୍ରଭାତରେ ହେବାକୁ ନିର୍ଦ୍ଧାରିତ ହୋଇଛି। ପ୍ରତିଦିନ କଥାର ସମୟ ଦୁଇପହର ୩ଟାରୁ ୭ଟା ପର୍ଯ୍ୟନ୍ତ ରହିବ।
ଦୀପକ ଠାକୁର ଙ୍କ ରିପୋର୍ଟ୍
