ଢେ଼ଙ୍କାନାଳ(ମ ସୀ ହା)୧୪/୦୪_ଇନ୍ଦିପୁର ଯାତ୍ରା ପଡିଆ ନିକଟସ୍ଥ ଶନିମଣ୍ଡପ ଠାରେ “ସାଗର ସାହିତ୍ୟ ସଂସଦ” ପକ୍ଷରୁ ଓଡିଆ ନବବର୍ଷ ପାଳିତ ହୋଇ ଯାଇଛି l ସଂସଦର ସଭାପତି ଜ୍ୟୋତିର୍ବିଦ ଶ୍ରୀବତ୍ସ ନାୟକଙ୍କ ସଭାପତିତ୍ବରେ ଜିଲ୍ଲା ପରିଷଦ ସଦସ୍ୟ ରାଜକିଶୋର ରାଉତ୍, ସରପଂଚ ଲଳିତା ସାହୁ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ l ସହ ସମ୍ପାଦକ ଶ୍ରୀଯୁକ୍ତ କମାକ୍ଷl ପ୍ରସାଦ ବେହେରା ଓଡ଼ିଆ ନବବର୍ଷ ର ସୂଚନା ଦେଲା ପରେ ସମ୍ପାଦକ ତ୍ରିଲୋଚନ ମହାରଣା ଅତିଥି ମାନଂକ ପରିଚୟ ପ୍ରଦାନ କରିବା ସହ କାର୍ଯ୍ୟଆରମ୍ଭ କରି ଥିଲେ l ଏହି ଉତ୍ସବରେ ସଂସଦର ନବ ବର୍ଷ ବିଶେଷାଙ୍କ “ମଧୁବିକାଶ” ଉନ୍ମୋଚିତ ହେବା ସହ କବୟିତ୍ରୀ ଦିପାଳି ଦ୍ଵିପାନ୍ଵିତା ସିଂହଙ୍କ ପ୍ରଥମ କବିତା “ନୀଳ ଲହରୀ ମାଳା “ପୁସ୍ତକ ଉନ୍ମୋଚିତ ହୋଇଥିଲା l
ଏହା ପରେ ମଧୁବିକାଶରେ ଲେଖିଥିବା ଶ୍ରେଷ୍ଠ କବିତା ପାଇଁ କବି ପ୍ରଶାନ୍ତ କୁମାର ସାହୁ ଓ କବୀ ଦିପାଲି ଦ୍ୱିପାନ୍ଵିତା ସିଂହଙ୍କୁ ସମ୍ବର୍ଦ୍ଧିତ କରାଯାଇଥିଲା l ମଧୁବିକାଶ ପ୍ରକାଶନ କ୍ଷେତ୍ରରେ ବିଶେଷ ସହଯୋଗ କରିଥିବା କବି ସାଲେପୁରର ସମରେନ୍ଦ୍ର ରଣା, ରଞ୍ଜିତ ମହାପାତ୍ର , ନିଶିଥ ନିଶାଙ୍କ ଭୂୟାଁ ଙ୍କୁ ସ୍ଵତନ୍ତ୍ର ସମ୍ମାନରେ ସମ୍ମାନିତ କରାଯାଇଥିଲା l କବିମାନେ ସ୍ୱରଚିତ କବିତା ପାଠ କରି ଝାମୁଯାତ୍ରାରେ ଉପସ୍ଥିତ ଶ୍ରଦ୍ଧାଳୁଙ୍କ ମନ କିଣି ନେଇଥିଲେ l ସଂସଦ ପକ୍ଷରୁ ପଣାଦାନ କରଯାଇଥିଲା l କବି ଧନେଶ୍ଵର ସେନାପତି ଓ ଉପସଭାପତି ହେମନ୍ତ କୁମାର ନାୟକଙ୍କ ଦୃଢ଼ ମନୋବଳ ଯୋଗୁଁ ଉକ୍ତ କାର୍ଯକ୍ରମଟି ଶାନ୍ତି ଶୃଙ୍ଖଳା ସହ ସଫଳ ହୋଇଥିଲା l
ଢେ଼ଙ୍କାନାଳରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ୍
