ପାପଡାହାଣ୍ଡି,24/4, ମନିସ –ସମ୍ବଲପୁର ଠାରେ ହିନ୍ଦୁ ଶୋଭାଯାତ୍ରା ଉପରେ ଆକ୍ରମଣ ଘଟଣାର ପ୍ରତିବାଦ କରି ସୋମବାର ପାପଡାହାଣ୍ଡି ହିନ୍ଦୁ ସଙ୍ଘଠନ ତରଫରୁ ବାଇକ ରାଲି ସହ ରାଜ୍ୟପାଳଙ୍କ ଉଦେଶ୍ୟରେ ବିଡ଼ିଓଙ୍କୁ ଦାବିପତ୍ର ପ୍ରଦାନ କରାଯାଇଥିଲା | ସ୍ଥାନୀୟ ନୀଳକଣ୍ଠେଶ୍ଵର ମନ୍ଦିର ନିକଟରେ ହିନ୍ଦୁ ସଙ୍ଘଠନର ସଦସ୍ୟ ମାନେ ଏକତ୍ରିତ ହୋଇଥିଲେ | ଭାରତ ମାତା କି ଜୟ, ଜୟ ଶ୍ରୀରାମ ନାରା ଦେଇଥିଲେ | ଏକ ମୋଟର ସାଇକେଲ ରାଲିରେ ବାହାରି ଗ୍ରାମ ପରିକ୍ରମା କରିଥିଲେ | ବ୍ଲକ କାର୍ଯ୍ୟାଳୟରେ ପହଁଚିବା ପରେ ରାଜ୍ୟପାଳଙ୍କ ଉଦେଶ୍ୟରେ ବିଡ଼ିଓଙ୍କୁ ଦାବିପତ୍ର ପ୍ରଦାନ କରିଥିଲେ | ବିଡ଼ିଓଙ୍କ ଅନୁପସ୍ଥିତିରେ ବ୍ଲକ ମୁଖ୍ୟ କିରାଣୀଙ୍କୁ ଦାବିପତ୍ର ପ୍ରଦାନ କରାଯାଇଥିଲା | ଦାବିପତ୍ର ପ୍ରଦାନ ସମୟରେ ତ୍ରିନାଥ ଅମନାତ୍ୟ, ବି ଜଗନ ମୋହନ ରାଓ, ହରି ମୋହନ ଶର୍ମା, ପି ଭେଙ୍କେଟ ରାଓ, ରାଜ କିଶୋର ରାଓ,ବିନୋଦ ଅଗ୍ରୱାଲ, ନୀଳକଣ୍ଠ ତ୍ରିପାଠୀ,ଶଙ୍କର ଲାଲ ଅଗ୍ରୱାଲ, ଦିନବନ୍ଧୁ ବିଶୋଇ ସହ ବହୁ ହିନ୍ଦୁ ସଂଘଠନ ର ସଦସ୍ୟ ଉପସ୍ଥିତ ଥିଲେ | ଦାବିପତ୍ର ପ୍ରଦାନ ବେଳେ ପାପଡାହାଣ୍ଡି ଆଇଆଇସି ଦୀପକ ଜେନା ଓ ବ୍ଲକ କର୍ମଚାରୀ ମାନେ ଉପସ୍ଥିତ ଥିଲେ |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
