ଡାବୁଗାଁ, ୭/୫ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମାସ୍ଥିତ ପଞ୍ଚାୟତ କାର୍ଯ୍ୟ|ଳୟ ପରିସରରେ ଥିବା ମିସନଶକ୍ତି ଗୃହ ପାଚେରିକୁ ଲାଗି ଥିବା ରାସ୍ତା କଡରୁ ରବିବାର ସକାଳ ସମୟରେ ଏକ ଯୁବକଙ୍କ ମୃତଦେହ ଉଦ୍ଧାର କରାଯାଇଛି | ସୂଚନାଯୋଗ୍ୟ:- ଶନିବାର ବିଳମ୍ବିର ରାତ୍ରିରେ ଡାବୁଗାଁ ବ୍ଲକ ଡଙ୍ଗରୀଗୁଡା ପଞ୍ଚାୟତ ର ଜୟନ୍ତୀନଗର ଗ୍ରାମର କୃଶ ହରିଜନ ଙ୍କ ପୁଅ ବିଷ୍ଣୁ ହରିଜନ (୨୮) କୌଣସି କାରଣରୁ ଘରୁ ବାହାରିଯାଇଥିଲେ | ରାତ୍ରି ରେ ଘରକୁ ଫେରିନଥିଲେ | ଆଜି ସକାଳେ ପଞ୍ଚାୟତ କାର୍ଯ୍ୟ|ଳୟ ପରିସରରେ ଥିବା ମିସନଶକ୍ତି ଗୃହ ପାଚେରିକୁ ଲାଗି ଥିବା ରାସ୍ତାରେ ଯାଉଥିବା ଲୋକେ ଦେଖିବା ପରେ ଗ୍ରାମରେ ଚହଳ ପଡିଥିଲା କି କୌଣସି ଯୁବକଙ୍କ ମୃତଦେହ ପଡିଛି | ଖବର ପ୍ରଚାର ପରେ ଗ୍ରାମର ବହୁ ଲୋକେ ସେଠାକୁ ଯାଇ ଯୁବକକୁ ଚିହ୍ନି ତାଙ୍କ ପରିବାର କୁ ଖବର ଦେଇଥିଲେ | 
ଖବର ପାଇ ପରିବାର ଲୋକେ ଘଟଣାସ୍ଥଳ କୁ ଯାଇ ମୃତ ଦେହ ଚିହ୍ନଟ କରିଥିଲେ | ପରେ ଏନେଇ ମୃତକର ମା ଯମୁନା ହରିଜନ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା ଆଇଆଇସି ସୁନୀଲ କୁମାର ପ୍ରଧାନ, ସବଇନିସ୍ପେକ୍ଟର ଚନ୍ଦନ ସାହୁ, ଏଏସଆଇ ଶିଶିରକାନ୍ତ ଘୋଷ ପ୍ରମୁଖ ଘଟଣାସ୍ଥଳରେ ପହଞ୍ଚିଥିଲେ | ପରେ ପୋଲିସ ହତ୍ୟାସନ୍ଦେହ କରି ସାଇଣ୍ଟିଫିକ ଦଳ ସହ ସନ୍ଧାନୀ କୁକୁର କୁ ଡକାଇଥିଲେ | ସାଇଣ୍ଟିଫିକ ଦଳ ଓ ସନ୍ଧାନୀ କୁକୁର ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ | ତଦନ୍ତ ପରେ ପୋଲିସ ବିଷ୍ଣୁ ଙ୍କ ମୃତ ଦେହ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟ କୁ ବ୍ୟବଚ୍ଛେଦ ପାଇଁ ପଠାଇଥିଲେ | ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି | ଏନେଇ ଥାନା କେସ ନଂ ୯୪/୨୩ ରେ ଏକ ମାମଲା ରୁଜୁକରି ତଦନ୍ତ ଜାରି ରହିଥିବା ପୋଲିସ ସୂତ୍ରରୁ ସୂଚନା ମିଳିଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
