ପାପଡାହାଣ୍ଡି,9/5, ମନିସ — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକର ବିଭିନ୍ନ ଗ୍ରାମର ଯୁବତୀ ଯୁବକ ମାନଙ୍କୁ ଜାଲ ନିଯୁକ୍ତି ପତ୍ର ଓ ପରିଚୟ ପତ୍ର ଦେଇ ସଂସ୍ଥାରେ ଚାକିରି ଦେବା ନାରେ ଠକେଇ ଅଭିଯୋଗରେ ପୋଲିସ 2 ଜଣକୁ ଥାନାରେ ଆଣି କରିଛି | ଏନେଇ ପ୍ରେସ ମିଟରେ ସୂଚନା ଦେଇଛନ୍ତି ପାପଡାହାଣ୍ଡି ଏସ୍ଡ଼ିପିଓ ଆଦିତ୍ୟ ସେନ | ଦୁଇ ଅଭିଯୁକ୍ତହେଲେ ସାଜିତ ଅମୀୟ ପ୍ରସାଦ ଗୋବର୍ଧନ ଓ ପ୍ରବୀଣ ସୁନା | ଏହି ଦୁଇ ଜଣ ପାପଡାହାଣ୍ଡି ବ୍ଲକରେ ଆତ୍ମ ନିର୍ଭର ଭାରତ ସଂସ୍ଥାରେ ଚାକିରି ଦେବା ନା ରେ ଯୁବତୀ ଓ ଯୁବକ ମାନଙ୍କ ଗତ 2022 ଠାରୁ ଟଙ୍କା ଆଦାୟ କରିଥିଲେ | ଜାଲ ନିଯୁକ୍ତି ଓ ପରିଚୟ ପତ୍ର ପ୍ରଦାନ କରିଥିଲେ | ଏସଏଚଜି ମାନଙ୍କୁ ସାମିଲ କରି ସେମାନଂକୁ ଫିନାଇଲ, ସାବୁନ, ଧୂପକାଠି, ଡିସ ୱାସ ତିଆରି ଲାଗି ତାଲିମ ଦେଲେ ଟଙ୍କା ମିଳିବ ବୋଲି କହିଥିଲେ |ପରବର୍ତୀ ପର୍ଯ୍ୟାୟରେ ଚାକିରି ନ ପାଇବାରୁ ଯୁବତୀ ମାନେ ଅଭିଯୁକ୍ତଙ୍କୁ ପଚାରିବାରୁ ସନ୍ତୋଷ ଜନକ ଉତ୍ତର ମିଳିନଥିଲା | ଠକାମୀର ଶିକାର ହେବା ଜାଣିବା ପରେ ସେମାନେ ପାପଡାହାଣ୍ଡି ଥାନାରେ ଦ୍ୱାରସ୍ତ ହୋଇଥିଲେ | ଏତଲା କୁ ଭିତ୍ତି କରି କେଶ ନମ୍ବର 81/23 ରେ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିବା ସହ ଅଭିଯୁକ୍ତ ମାନଙ୍କୁ ଗିରଫ କରିଛି | ପାପଡାହାଣ୍ଡି, କୋଷାଗୁମୁଡା ଓ ତେନ୍ତୁଳୀଖୁଣ୍ଟି ବ୍ଲକରୁ ଅଭିଯୁକ୍ତ ମାନେ ଜାଲ ନିଯୁକ୍ତି ପତ୍ର ଓ ପରିଚୟ ପତ୍ର ଦେଇ ମିଥ୍ୟା ଚାକିରି ଦେବାର ପ୍ରଲୋଭନ ଦେଖାଇଥିଲେ | ଲକ୍ଷା ଧିକ ଟଙ୍କା ଆଦାୟ କରିଥିଲେ | ପାପଡାହାଣ୍ଡି ଥାନାରେ ପ୍ରଭାତୀ ବିଶୋଇ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି | ସଂସ୍ଥାର ମଖ୍ୟ ପୂର୍ଵରୁ କୋରାପୁଟ ଜେଲରେ ଥିବା ପୋଲିସ ସୂଚନା ଦେଇଛି | ଆୟୋଜିତ କାର୍ଯ୍ୟକ୍ରମରେ ପାପଡାହାଣ୍ଡି ଆଇଆସି ଦୀପକ ଜେନା ଓ କର୍ମଚାରୀ ମାନେ ଉପସ୍ଥିତ ଥିଲେ |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
