ବାଲେଶ୍ଵର,୦୮/୫/୨୩- ମୋ ଅନୁଷ୍ଠାନ ସାହିତ୍ୟ ସଂସଦ, ଆଳଦା, ଖଇରା,ବାଲେଶ୍ଵର ହ୍ବାର୍ଟସପ୍ ଗୃପରେ ତା ୦୭/୫/୨୩ ରିଖ ଦିନ କବିତା ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଯାହାର ଶୀର୍ଷକ ଥିଲା ” ଅବୁଝା ପ୍ରେମ ” । ଏଥିରେ ରାଜ୍ୟର ବିଭିନ୍ନ ଜିଲ୍ଲାରୁ ମୋଟ ୧୧ ଜଣ ସାହିତ୍ୟ ବନ୍ଧୁ ଅଂଶ ଗ୍ରହଣ କରିଥିଲେ । ସେମାନଙ୍କ ମଧ୍ୟରେ ଦେବରାଜ୍ ରଣା, ଚାଉଳଡିଆ, ବଲାଙ୍ଗୀର ସୁନନ୍ଦା ମହାନ୍ତି, ସାକ୍ଷିଗୋପାଳ, ପୁରୀ, ସଙ୍ଗୀତା ପଣ୍ଡା, ସୁସ୍ମିତା ମହାପାତ୍ର ଓ ରଞ୍ଜୁଲତା ପାଢ଼ୀ, ରାଉରକେଲା, ସୁନ୍ଦରଗଡ, ମାମାଲିନୀ ସେଠୀ, ଖୋର୍ଦ୍ଧା, ଛବିରାଣୀ ପତି, ଜଗତସିଂହପୁର, ଆନନ୍ଦିନୀ ମିଶ୍ର, ଝାରସୁଗୁଡ଼ା, ଶାରଙ୍ଗଧର ସାହୁ, ବାର୍ଷିଙ୍ଗା, ହିନ୍ଦୋଳ, ଢେଙ୍କାନାଳ, ରଶ୍ମିରେଖା ସାହୁ, କଳିଙ୍ଗନଗର, ଭୁବନେଶ୍ୱର, ଖୋର୍ଦ୍ଧା ଓ ଅନ୍ନପୂର୍ଣ୍ଣା ସାହୁ, ଭୁବନପୁର, ଖୋର୍ଦ୍ଧା ଅନ୍ତର୍ଭୁକ୍ତ । ସମସ୍ତ କବିତା ଗୁଡିକୁ ସମୀକ୍ଷା କରିଥିଲେ ଅନୁଷ୍ଠାନର ଦକ୍ଷ ସମୀକ୍ଷିକା ତଥା ଝାରସୁଗୁଡ଼ାର କବୟିତ୍ରୀ ମାଧୁରୀ ମିଶ୍ର । ଯେଉଁଥିରେ ରଞ୍ଜୁଲତା ପାଢ଼ୀ ପ୍ରଥମ ସ୍ଥାନ, ଆନନ୍ଦିନୀ ମିଶ୍ର ଦ୍ବିତୀୟ ସ୍ଥାନ ଓ ସୁସ୍ମିତା ମହାପାତ୍ର ତୃତୀୟ ସ୍ଥାନ ଅଧିକାର କରିଛନ୍ତି । ମୋ 
ଅନୁଷ୍ଠାନ ପରିବାର ତରଫରୁ ସମସ୍ତ ପ୍ରତିଯୋଗୀ ମାନଙ୍କୁ ଅଭିନନ୍ଦନ ଓ ଶୁଭେଚ୍ଛା ଜ୍ଞାପନ କରାଯାଇଛି । ଲେଖା ଜାରି ରଖନ୍ତୁ, ଅନୁଷ୍ଠାନର ପ୍ରତ୍ୟେକ ପ୍ରତିଯୋଗିତାରେ ଭାଗ ନିଅନ୍ତୁ, ଦିନେ ଦିନେ ଭଗବାନ ସ୍ଥାନ ଦେବାରେ ଅବହେଳା କରିବେ ନାହିଁ ବୋଲି ଭରସା ଓ ବିଶ୍ୱାସ ରହିଛି ବୋଲି ସମ୍ପାଦକ ନରେନ୍ଦ୍ର ପ୍ରସାଦ ବେହେରା ସମସ୍ତ ପ୍ରତିଯୋଗୀଙ୍କୁ ଧୈର୍ଯ୍ୟର ସହିତ ଅପେକ୍ଷା କରିବାକୁ କହିଛନ୍ତି । ଉକ୍ତ ଫଳାଫଳରେ ମୁଗ୍ଧ ହୋଇ ସାହିତ୍ୟକୁ ଭଲ ପାଉଥିବା ଜଣେ ଗାଡି ଚାଳକ ପ୍ରଥମ ପ୍ରତିଯୋଗୀ ରଞ୍ଜୁଲତା ପାଢ଼ୀଙ୍କୁ ୧୦୦ ଟଙ୍କା ପୁରସ୍କୃତ କରିଛନ୍ତି । ଯାହାଙ୍କ ଘର ଧନୁର୍ଜୟପୁର(ଢେଙ୍କିକୋଟ), ଜିଲ୍ଲା- କେନ୍ଦୁଝର ଅଟେ । ଏଥିସହିତ ଶ୍ରୀ ମହାନ୍ତ ଶ୍ରୀମତୀ ପାଢୀଙ୍କ ସାହିତ୍ୟ ଜୀବନ ଚଲାପଥ କୁସୁମିତ ନିମନ୍ତେ ମହାପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ପ୍ରାର୍ଥନା କରିଛନ୍ତି ।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
