ରାଉରକେଲା/ ସହରର ଜଣାଶୁଣା ସମାଜସେବୀ ତଥା ଡାକ୍ତର ବସନ୍ତ କୁମାର ଦାସଙ୍କ ପତ୍ନୀ ଭାରତୀ ଦାସଙ୍କ ୭୩ବର୍ଷ ବୟସରେ ହୃଦଘାତରେ ପରଲୋକ ହୋଇଯାଇଛି । ଶ୍ରୀମତୀ ଦାସ ଜଣେ ଧର୍ମ ପରାୟଣ ମହିଳା ଥିବାରୁ ତାଙ୍କ ବିୟୋଗରେ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି । ତାଙ୍କ ମୃତ୍ୟୁ ଖବର ପାଇ ସଚେତନ ନାଗରିକ ମଞ୍ଚର ସାଧାରଣ ସଂପାଦକ ପି ପି ରାୟ ଓ ମଂଚର ଅନ୍ୟାନ୍ୟ କର୍ମକର୍ତ୍ତା ଗଣ, ଆଦର୍ଶ ପାଠାଗାର ର ସଭାପତି ଚନ୍ଦ୍ରଶେଖର ଶତପଥୀ ଓ ସାଧାରଣ ସଂପାଦକ ସୁକାନ୍ତ ଚନ୍ଦ୍ର ଖୁଣ୍ଟିଆ ଓ ସମସ୍ତ ବରିଷ୍ଠ ସଦସ୍ୟଗଣ, ଉତ୍ତର ରେଳ ସମନ୍ବୟ ସମିତିର ସଭାପତି ଉପେନ୍ଦ୍ର କୁମାର ନାୟକଙ୍କ ସମେତ ବହୁ ଶୁଭେଚ୍ଛୁ ତାଙ୍କର ବାସଭବନରେ ପହଞ୍ଚି ଶୋକସନ୍ତପ୍ତ ପରିବାରକୁ ଆଶ୍ବାସନା ପ୍ରଦାନ କରିବା ସହ ଆତ୍ମାର ସଦଗତି କାମନା କରିଥିଲେ । ସୂଚନା ଯୋଗ୍ୟ ଯେ ସ୍ବର୍ଗତା ଦାସଙ୍କ ମୃତ୍ୟୁ ଶଯ୍ୟା ନିକଟରେ ଦୁଇପୁଅ, ପୁତ୍ରବଧୁ, ଝିଅ, ଜ୍ୟାଇଁ ଓ ନାତିନାତୁଣୀ ତଥା ଆତ୍ମୀୟସ୍ଵଜନ ମାନେ ଉପସ୍ଥିତ ଥିଲେ ।