କାମାକ୍ଷାନଗର(ମନିସ ) 20/ 5/23_ ଭୁବନ ଅଂଚଳ ର ବହୁଚର୍ଚିତ ” ବାଳୁଙ୍ଗା ଟୋକା “ହତ୍ୟା ଉଦ୍ୟମ ମାମଲାରୁ ଆସାମୀ ମାନଙ୍କୁ ମାନ୍ୟବର ଅତିରିକ୍ତ ଜିଲ୍ଲା ଦୌରାଜଜ ଶ୍ରୀମତୀ ମଧୁମିତା ମହାନ୍ତି ନିର୍ଦୋଷରେ ଖଲାସ କରିଛନ୍ତି. ଘଟଣା ରୁ ପ୍ରକାଶ ଯେ ଅଭିଯୋଗକାରୀ ଶ୍ରୀ ପ୍ରତାପ କୁମାର ସାହୁ 10/10/2011 ତାରିଖ ଦିନ ଭୁବନ ଥାନା ରେ ଲିଖିତ ଏତେଲା ଦେଇଥିଲେ ଯେ ଗତ 9 /10/2011ତାରିଖ ଦିନ ସନ୍ଧ୍ୟା ବେଳେ ତାଙ୍କ ପୁତୁରା ଓ ଝିଆରୀ ମନେ ସିନେମା ଦେଖିବାକୁ ଯାଇଥିଲେ, କିଛି ଅସାମାଜିକ ଯୁବକ ତାଙ୍କ ପୁତୁରା ଓ ଝିଆରୀ ମାନଙ୍କୁ ଆକ୍ରମଣ କରୁଥିବାର ଖବର ପାଇଁ ସେ ତାଙ୍କ ସାନ ଭାଇ ଅକ୍ଷୟ ସାହୁ ଓ ପ୍ରଶାନ୍ତ ସାହୁ ସେଠାରେ ପହଂଚିବା ବେଳେ ଆସାମୀ ମାନସ ପୋଥାଳ, ଲିପୁନ ଚିନରା, ଜୟକୃଷ୍ଣ ସାହୁ, କାର୍ତିକ ପୋଥାଳ, ନେମାର ନାୟକ ଓ ସୁଶାନ୍ତ ନାୟକ ସେମାନଙ୍କୁ ବିଭିନ୍ନ ମାରଣା ଅସ୍ତ୍ର ରେ ପ୍ରାଣତାଙ୍କ ଆକ୍ରମଣ କରି ଲହୁ ଲୁହାଣ କରିଦେଇଥିଲେ ଏହି ଏତେଲା କୁ ଭିତ୍ତି କରି ଭୁବନ ଥାନା ପୋଲିସ ଭୁବନ ଥାନା କେଶ ନମ୍ବର 99/2011ଭାରତୀୟ ପିଙ୍ଗଳ କୋଡ଼ ଦଫା ଯଥା 147, 148,294,307,323,379,506 ଓ 149 ରେ ରୁଜୁ କରି ଆସାମୀ ମାନଙ୍କୁ ଗିରଫ କରି ଥିଲେ ଓ ପରେ ଆସାମୀ ମାନେ ଜାମିନ ରେ ଯାଇଥିଲେ, ପରେ ଏହା GR କେଶ ନମ୍ବର 99/2011 ଏବଂ ସିଟି ଏସ ଏସ 100/2012 ରେ ମାନ୍ୟବର ଅତିରିକ୍ତ ଜିଲ୍ଲା ଦୌରାଜଜ କଂ ଅଦାଲତ ରେ ବିଚାର ହୋଇ ମାନ୍ୟବର ଅଦାଲତ ୨୨ଜଣଙ୍କ ସାକ୍ଷ୍ୟ ପ୍ରମାଣକୁ ଭିତ୍ତି କରି ଆସାମୀ ମାନସ ପୋଥାଳ, ଲିପୁନ ଚିନାରା, ଜୟକୃଷ୍ଣ ସାହୁ, କାର୍ତିକ ପୋଥାଳ, ନେମାର ନାୟକ ଓ ସୁଶାନ୍ତ ନାୟକଙ୍କୁ ନିର୍ଦୋଷରେ ଖଲାସ କରିଛନ୍ତି. ଆସାମୀମାନଙ୍କ ତରଫରୁ ଆଇନଜିଵୀ ସର୍ବଜିତ ଜୀ ମାମଲା ପରିଚାଳନା କରୁଥିଲେ।
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
