ତେନ୍ତୁଳିଖୁଣ୍ଟି – ୨୧/୦୫/୨୩ – ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ଖାତିଗୁଡା ମା ତାରିଣୀ ମନ୍ଦିର ସମୁଖରେ ଥିବା ବଟ ଓ ଅଶ୍ୱତଥ ବୃକ୍ଷ ପ୍ରତିଷ୍ଠା ବାର୍ଷିକ ଉତ୍ସବ ଆଜି ଧୁମ ଧାମରେ ପାଳନ କରାଯାଇଛି । ମନ୍ଦିର ସମୁଖରେ ଥିବା ବଟ ଓ ଅଶ୍ୱତଥ ବୃକ୍ଷ ର ରକ୍ଷଣା ବେକ୍ଷଣ ଖାତିଗୁଡା ସ୍ଥିତ ତାରିଣୀ ମନ୍ଦିର କମିଟି କରି ଆସୁଛି।।ଦୁଇ ବୃକ୍ଷ ଏକତ୍ରିତ ଥିବାରୁ ମନ୍ଦିର କମିଟି ଗତବର୍ଷ ଜ୍ୟେଷ୍ଠ ଶୁକ୍ଳ ପକ୍ଷ ଦ୍ବିତୀଆ ୧ ତାରିଖ ବୁଧବାର ଦିନ ଦୁଇ ବୃକ୍ଷ କୁ ହିନ୍ଦୁ ରୀତିନୀତି ଅନୁସାରେ ଧୁମ ଧାମରେ ପ୍ରଥମେ ବ୍ରତ ଓ 
ବାହାଘର କାର୍ଯ୍ୟକ୍ରମ କରିଥିଲେ ।ତାରିଣୀ ମନ୍ଦିରର ସଭାପତି ଗୋପାଳ କୃଷ୍ଣ ଭଞ୍ଜଙ୍କ ତତ୍ତ୍ୱ।ବଧାନରେ ହୋଇଥିଲା । ଚଳିତ ବର୍ଷ ଆଜିର ପ୍ରତିଷ୍ଠା ବାର୍ଷିକୀ କାର୍ଯ୍ୟକ୍ରମ ରେ ପ୍ରଦୀପ ହୋତା ଓ ତାଙ୍କ ଧର୍ମ ପତ୍ନୀ ହୋମରେ ବସିଥିଲେ । ପଣ୍ଡିତ କୃଷ୍ଣଚନ୍ଦ୍ର କରଶର୍ମା ଙ୍କ ବେଦ ଉଚାରଣରେ ହୋଇଥିଲା କାର୍ଯ୍ୟକ୍ରମ । ତାରିଣୀ ମନ୍ଦିର ରେ ତୃପ୍ତି ରଞ୍ଜନ ରାଉତ ଓ ତାଙ୍କ ଧର୍ମ ପତ୍ନୀ ହୋମ ରେବସିଥିଲେ । ପଣ୍ଡିତ କୃଷ୍ଣ ଚନ୍ଦ୍ର ସାମନ୍ତରାୟ ତାରିଣୀ ମନ୍ଦିର ରେ ପୂଜା କରିଥିଲେ। ଆଜିର ବାର୍ଷିକ ଉତ୍ସବ ରେ ବ୍ରାହ୍ମଣ ଙ୍କ ବେଦ ଉଚାରଣ କମ୍ପିତ ହୋଇ ହିନ୍ଦୁ ରୀତିନୀତି ଅନୁସାରେ ମହା ଆଡମ୍ବରରେ ହୋଇଥିବା ବେଳେ ସେମାନଙ୍କୁ ବିଜୟ ପଣ୍ଡା ଓ ବିଜୟ ପାଣିଗ୍ରାହୀ ସହଯୋଗ କରିଥିଲେ। ହଜାର ହଜାର ଭକ୍ତ ପ୍ରସାଦ ସେବନ କରିଥିଲେ । ଆଜିର ଏହି କାର୍ଯ୍ୟକ୍ରମ ରେ ମା ତାରିଣୀ ମନ୍ଦିର କମିଟିର ସଭାପତି ଗୋପାଳକୃଷ୍ଣ ଭଞ୍ଜ ସମେତ, ଚନ୍ଦ୍ର ଶେଖର ଦଳେଇ,ଆନନ୍ଦ କୁମାର ନେପାଳ, ,ନିଲୁ ପଣ୍ଡା,କାବୁଲି ପଟନାୟକ, ସୁରେନ୍ଦ୍ର ରାଉତ,ସଦାଶିବ ଜାନୀ ,ପ୍ରବୀର ପ୍ରଧାନ , ଚନ୍ଦନ ନାୟକ ,କୁନେସ ବିଶ୍ୱାଳଙ୍କ ସମେତ ଅନେକ ଭକ୍ତ ବୃନ୍ଦଙ୍କ ସହ ଖାତିଗୁଡା ପୋଲିସ ସହାୟତା କରିଥିଲେ ।
ଗୋବର୍ଦ୍ଧନ ସାହୁ,ତେନ୍ତୁଳିଖୁଣ୍ଟି
