ଗତରାତିରେ ନୂଆପଡା ଜିଲ୍ଲା କୋମନା ବ୍ଲକର ବିଭିନ୍ନ ଗାଁରେ ହାତୀ ଆତଙ୍କ ଦେଖା ଦେଇଛି । ଗୋଟିଏ ବଣୁଆ ହାତୀ ଆସି ସାରସମାଲ ଗାଁର ଗୁରୁବାରୁ ଶବରଙ୍କ ଘର ଭାଙ୍ଗି ଘରେ ଥିବା ଧାନ ଖାଇ ଦେଇଛି । ପୁଣି ବାଲିପାଟି ଗାଁର ଜଣକ ଘର ଭାଙ୍ଗିଛି । ହାତୀଟି ଏବେ ନୂଆପଡା-କୋମନା ରେଞ ସୀମାନ୍ତ ଲଙ୍କେଶ୍ବରୀ ସଂରକ୍ଷିତ ଜଙ୍ଗଲରେ ଅଛି । ଧନଜୀବନ ସୁରକ୍ଷା ଓ ହାତୀର ସୁରକ୍ଷା ପାଇଁ ବନ ବିଭାଗ,ଏଲିଫେଣ୍ଟ ସ୍କ୍ବାଡ ନିୟୋଜିତ ଅଛନ୍ତି ।ହାତୀଟି ପାଗଳ ହାତୀ ହୋଇ ଥିବା ବନ ବିଭାଗ ସୂଚନା ଦେଇଛି ।ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
