ରୁପ୍ରା, ୨୮/୫ (ମ ନି ସ) : ନର୍ଲାବ୍ଲକ୍ ରୁପ୍ରାରୋଡ୍ ଗ୍ରାମ ପଞ୍ଚାୟତ ଅଧିନ ଡେଣ୍ଡ୍ରୋବାହାଲି ଗ୍ରାମରେ ଦେଖାଦେଇଛି ପାନୀୟ ଜଳ ସମସ୍ୟା। ଏହି ସମସ୍ୟା ବାବଦରେ ବିଜେପି କୃଷକ ମୋର୍ଚ୍ଚା ସରିଆଁ ମଣ୍ଡଲ ସଭାପତି ନିଳାଞ୍ଚଳ ସିଂ ଠାକୁର ରୁପ୍ରାରୋଡ୍ ସରପଞ୍ଚ ହେମନ୍ତ ଭୋଇଙ୍କୁ ଅବଗତ କରାଇଥିଲେ। ଫଳରେ ସରପଞ୍ଚ ଶ୍ରୀ ଭୋଇଙ୍କ ଉଦ୍ୟମ ଫଳରେ RWSS ନର୍ଲା ତରଫରୁ ଦୁଇଦିନ ହେଲା ପାଣିଟାଙ୍କି ସାହାଯ୍ୟରେ ପାନୀୟ ଜଳ ଯୋଗାଣ ହେଉଥିବା ଜଣାପଡିଛି, ଫଳରେ ଗ୍ରାମବାସୀ ସରପଞ୍ଚ ଶ୍ରୀ ଭୋଇ ତଥା ପାନୀୟ ଜଳ ଯୋଗାଣ ବିଭାଗକୁ ଧନ୍ୟବାଦ ଜଣାଇଛନ୍ତି। ସୂଚନାଯୋଗ୍ୟ ଉକ୍ତ ଗ୍ରାମ ନିକଟରେ କୌଣସି ନଈନାଳ ନଥିବାରୁ ପାନୀୟ ଜଳ ଯୋଗାଣ ହୋଇପାରୁ ନଥିବା ବିଭାଗୀୟ କନିଷ୍ଠ ଯନ୍ତ୍ରୀ ସୁରେନ୍ଦ୍ର ସୁନାନୀ ପ୍ରକାଶ କରିଥିଲେ ଓ ଡିପ୍ ବୋରୱେଲ୍ ପାଇଁ ବ୍ୟବସ୍ଥା କରାଯାଉଥିବା ସୂଚନା ପ୍ରଦାନ କରିଛନ୍ତି।
ରୁପ୍ରା ରୁ ପ୍ରଦୀପ ସେନାପତି ଙ୍କ ରିପୋର୍ଟ
