ଢେ଼ଙ୍କାନାଳ/ହିନ୍ଦୋଳ ( ମ ସୀ ହା)୦୮/୦୬_ଗତ ୫ ତାରିଖ ରୁ ହିନ୍ଦୋଳ ଖଜୁରିଆକଟା ବନାଞ୍ଚଳ ଅନ୍ତର୍ଗତ ଗୋରିଲୋ ଗ୍ରାମ କାଜୁ ଜଙ୍ଗଲରେ ଏକ ଜଙ୍ଗଲୀ ଦନ୍ତାହାତୀ ଅସୁସ୍ଥ ହୋଇ ପଡିଥିବାରୁ ବନ ବିଭାଗ ଦ୍ଵାରା ଡାକ୍ତରୀ ଦଳ ଆସି ଚିକିତ୍ସା କରିବା ପରେ ଗତକାଲି ଅପରାହ୍ନରେ ହାତୀ ଟି ଉଠି ଚଲାବୁଲା କରିବା ପରେ ସମ୍ପୂର୍ଣ୍ଣ ସୁସ୍ଥ ହୋଇଗଲା ଭାବି ସମସ୍ତେ ଆଶ୍ୱସ୍ତ ହୋଇଥିଲେ। ଆଜି ସକାଳେ ସାନ ହିନ୍ଦୋଳ ରାସ୍ତା କଡରେ ଥିବା ଏକ ଖାଲୁଆ ଜାଗାରେ ଏବେ ବର୍ଷା ହୋଇଥିବା ଗୋଳିଆ ମାଟିଆ ପାଣି ପିଇବା ପରେ ସେଇ ଜାଗାରେ ଟଳି ପଡିଛି। ଖବର ପାଇ ବିଭିନ୍ନ ଅଞ୍ଚଳ ମଧ୍ଯରୁ ବହୁତ ଲୋକ ଦେଖିବାକୁ ଭିଡ ଲଗାଇଛନ୍ତି।ଉପଯୁକ୍ତ ଚିକିତ୍ସା ଅଭାବରୁ ମୂଲ୍ୟବାନ ହାତୀର ଜୀବନ ଚାଲିଗଲା ବୋଲି ସାଧାରଣରେ ଅଭିଯୋଗ ହେଉଛି। ବନ ବିଭାଗ ଅଧିକାରୀ ଙ୍କ ବେପରୁଆ ମନୋଭାବ ପାଇଁ ହିନ୍ଦୋଳ ରେ ୧୭ ଜଣଙ୍କ ମୁଣ୍ଡ ଗଢ଼ିଥିବା ବେଳେ ଆଜି ହାତୀ ମୃତ୍ୟୁ ବି ସମସ୍ତଙ୍କୁ ଦୁଃଖ ଦେଇଛି। ହାତୀ ମାନଙ୍କ ସୁରକ୍ଷା ପାଇଁ ସରକାର ସ୍ଥାୟୀ ପ୍ରତିକାର କରିବା ପାଇଁ ଦୃଢ଼ ଦାବୀ ହେଉଛି।
ଢେ଼ଙ୍କାନାଳରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ୍
