କାମାକ୍ଷାନଗର(ମନିସ )9/6/23 // ଢେଙ୍କାନାଳ ଜିଲା କାମାକ୍ଷାନଗର ଥାନା ନୁଆଁପାଣି ଗ୍ରାମରେ ଗୁରୁବାର ଅପରାହ୍ନ ରେ କଳାବୈଶାଖୀ ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଥିବାର ଶୁକ୍ରବାର ଜଣାଯାଇଛି l ନୂଆପାଣି ଗ୍ରାମର ଅଚ୍ୟୁତ ଦିଆଣୀ ଗୁରୁବାର ଅପରାହ୍ନରେ ଟୋଲ ଗୋଟାଇବାକୁ ଯାଇଥିଲେ l ଅପରାହ୍ନରେ କଳାବୈଶାଖୀ ହେବାରୁ ସେ ଅଞ୍ଚଳରେ ଥିବା ପ୍ରକାଶ ସାମଳଙ୍କ କୁକୁଡ଼ା ଫାର୍ମର ଆଜବେଷ୍ଟ ଉଡେଇ ନେଇଥିବା ବେଳେ ଅଚ୍ୟୁତଙ୍କର କୌଣସି ସନ୍ଧାନ ମିଳି ପାରି ନଥିଲା l ବହୁ ଖୋଜାଖୋଜି ପରେ ଆଜି ଶୁକ୍ରବାର ଭୋର ସମୟରେ କୁକୁଡ଼ା ଫାର୍ମ ନିକଟରେ ଅଚ୍ୟୁତଙ୍କର ମୃତଦେହ ପଡିଥିବାର ଗ୍ରାମବାସୀ ଦେଖି ପରିବାର ଲୋକଙ୍କୁ ଜଣାଇବା ପରେ ପରିବାର ଲୋକେ ପୋଲିସ କୁ ଖବର ଦେଇଥିଲେ l ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଦେହ ଜବତ କରି ବ୍ୟବଛେଦ ର ବ୍ୟବସ୍ଥା କରି ଅଧିକ ତଦନ୍ତ ଚଲାଇଛି l ତେବେ ଗ୍ରାମର କେତେକ ଲୋକ କାନ୍ଥ ପଡି ଅଚ୍ୟୁତ ଙ୍କର ମୃତ୍ୟୁ ହୋଇଥିବାର କହୁଥିବା ବେଳେ ଆଉ କେତେକ ବଜ୍ରାଘାତରେ ମୃତ୍ୟୁ ହୋଥିବାର କହୁଛନ୍ତି l ତେବେ ଶବ ବ୍ୟବଛେଦ ରିପୋର୍ଟକୁ ପୋଲିସ ଅପେକ୍ଷା କରିଛି l