କାମାକ୍ଷାନଗର(ମ ନି ସ)୨୬/୦୬ ଅନ୍ତର୍ଜାତୀୟ ନିଶା ଅପବ୍ୟବାର ଓ ଅବୈଧ କାରବାର ନିରୋଧ ଦିବସ 2023 ଅବସରରେ 12 ଓଡିଶା ବାଟାଲିୟନ ଏନ ସି ସି,ଢେଙ୍କାନାଳର ମାର୍ଗଦର୍ଶନରେ ସାରଙ୍ଗଧର ଉଚ୍ଚ ବିଦ୍ୟାଳୟ,କାମାକ୍ଷାନଗର ର ସମର ଶିକ୍ଷାର୍ଥୀ ବାହିନୀ ତରଫରୁ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି | “ନିଶା ମୁକ୍ତ ଭାରତ” ଗଠନ ପରିପ୍ରେକ୍ଷୀରେ ଜୁନ 12 ରୁ 26 
ପର୍ଯ୍ୟନ୍ତ ନିଶା ନିବାରଣ ପକ୍ଷ ପାଳନ କରାଯାଇଅଛି | ଆଜିର ଏ କାର୍ଯ୍ୟକ୍ରମରେ ବିଦ୍ୟାଳୟ ର ପ୍ରଧାନଶିକ୍ଷକ ତଥା କାମାକ୍ଷାନଗର ର ଭାରପ୍ରାପ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ଜଗବନ୍ଧୁ ଜେନା ଆଲୋଚନା ଚକ୍ର ର ସଭାପତିତ୍ୱ କରି ଆଜି ଦିବସ ର ମହତ୍ୱ ଉପରେ ଆଲୋକପାତ କରିଥିଲେ | ଉପସ୍ଥିତ କ୍ୟାଡଟ ଓ ଶିକ୍ଷକ ଶିକ୍ଷୟତ୍ରୀ ମାନଙ୍କୁ ନେଇ “ନିଶା ଛାଡ଼ ଜୀବନ ଗଢ଼” ର ଶପଥ ପାଠ କରାଯାଇଅଛି | ପରେ ପରେ କ୍ୟାଡଟ ମାନେ ଶୋଭାଯାତ୍ରା ରେ ବାହାରି କାମାକ୍ଷାନଗର ସହର ପରିକ୍ରମା କରି ନିଶା ର କୁପ୍ରଭାବ ଉପରେ ସଚେତନତାର ବାର୍ତ୍ତା ବାଣ୍ଟିଥିଲେ | ଏନ ସି ସି ଅଧିକାରୀ ଦୁର୍ଯ୍ୟୋଧନ ସାହୁ କାର୍ଯ୍ୟକ୍ରମ ର ପରିଚାଳନା କରିଥିବା ବେଳେ କ୍ରୀଡା ଶିକ୍ଷକ ଶ୍ରୀଯୁକ୍ତ ପ୍ରତାପ କୁମାର ସାମନ୍ତ, ଅନ୍ୟାନ୍ୟ ଶିକ୍ଷକ ଶିକ୍ଷୟତ୍ରୀ ତଥା କର୍ମଚାରୀ ବୃନ୍ଦ ସହାୟତା ପ୍ରଦାନ କରିଥିଲେ |
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
