ମୟୂରଭଞ୍ଜ -୩/୭ ( ମସିହା) ରାଜ୍ୟ ସରକାର ଷାଠିଏ ବର୍ଷରୁ ଉର୍ଦ୍ଧ୍ବ ଅସହାୟ ବୟସ୍କ ପୁରୁଷ,ମହିଳା ମାନଙ୍କ ପାଇଁ ମଧୁବାବୁ ପେନସନ ଯୋଜନା କରିଛନ୍ତି ।ବୃଦ୍ଧ ବେଳେ ଔଷଧ,ରାସନ୍ ପାଇଁ ଟିକିଏ ହେଲେ ସାହାଯ୍ୟ ମିଳିବ । ହେଲେ ତଳସ୍ତରରେ ଜନ ପ୍ରତିନିଧି,ରାଜନୈତିକ ନେତୃବୃନ୍ଦ,ପଞ୍ଚାୟତ ଅଧିକାରୀ,ଅଙ୍ଗନବାଡ଼ି,ଆଶାକର୍ମି ମାନେ ଗରୀବ ଗୁରୁଵାଙ୍କ ପ୍ରତି ଅଣଦେଖା ଯୋଗୁଁ ବହୁ ଯୋଗ୍ୟ ବୟସ୍କ ହିତାଧିକାରୀ ମଧୁବାବୁ ପେନସନ ଯୋଜନାରୁ ବଂଚିତ ହୋଗ ବହୁ ଦୁଃଖ କଷ୍ଟରେ ଜୀବନ କାଳାତିପାତ କରୁଛନ୍ତି ।ପଞ୍ଚାୟତ ଓ ବ୍ଳକ କୁ ବାରମ୍ବାର ଜଣିଇଲେ ମଧ୍ୟ ପ୍ରଶାସନ ସେମାନଙ୍କ ପ୍ରତି ଆଖି ବୁଜି ଦେଇଛି ।ଯାହାର କେହି ନାହିଁ ତାଙ୍କର ଗଣମାଧ୍ୟମ ହିଁ ସାହା ଭରଷା । ସୂଚନାଯୋଗ୍ୟ ମୟୂରଭଞ୍ଜ ଜିଲ୍ଲାର ବିଶୋଇ ବ୍ଳକର ଲୁହାକାନୀ ପଞ୍ଚାୟତର ଲୁହାବାଳିଆ ଗ୍ରାମର ୬୦ ବର୍ଷରୁ ଉର୍ଦ୍ଧ୍ବ ବୟସ୍କ ଆଦିବାସୀ ଦମ୍ପତି ଜୁଝାର ଵେଶ୍ରା ଏବଂ ତାଙ୍କ ପତ୍ନୀ ରାଉନ୍ଦେ ଵେଶ୍ରା ବୟସର ସାୟହ୍ନରେ ପହଞିଲେଣି । ଚାଲିବାକୁ ଅସମର୍ଥ ହେଲେଣି ।ବାଡି ହିଁ ସାହା ଭରଷା । ବାର୍ଦ୍ଧକ୍ୟ ରୋଗ ମାଡ଼ି ବସିଲାଣି । ଅଶିକ୍ଷିତ ଓ ଗରିବୀ ହିଁ ତାଙ୍କର ବାଧକ ।ତେଲ ଲୁଣ ଯୋଗାଣଡ କରିବାକୁ ଅକ୍ଷମ ହେଲେଣି ।ପ୍ରଶାସନ,ପଞ୍ଚାୟତକଙ ବାରମ୍ବାର ଜଣାଇଲେ ମଧ୍ୟ ଫଳ ଶୂନ । କୌଣସି ପ୍ରକାରରେ ଖବରଦାତାମାନେ ଦୁଇ ବୁଢ଼ାବୁଢ଼ୀ ହଇରାଣ ହରକତ ହେଉଥିବା ଖବର ଶୁଣି ତାଙ୍କ ଘର ପାଖରେ ପହଞ୍ଚି ତାଙ୍କ ଅକୁହା ଦୁଃଖ ଶୁଣିଥିଲେ । ଗଣମାଧ୍ୟମ ଜରିଆରେ ପ୍ରଶାସନ ପାଖରେ ସେମାନଙ୍କ ଅପ୍ରମିତ ଦୁଃଖକୁ ପ୍ରଶାସନ କାନ ପାଖରେ ପହଞାଇବା ପାଇଁ ଅନୁରୋଧ କରିଥିଲେ । ତେଣୁ ବୃଦ୍ଧ ଦମ୍ପତ୍ତି କୁ ତୁରନ୍ତ ଭତ୍ତା ପ୍ରଦାନ ପାଇଁ ଗ୍ରାମବାସୀ ଦାବି କରିଛନ୍ତି ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
