ବାଲେଶ୍ଵର,୫/୭/୨୩- ବାଲେଶ୍ବର ଜିଲ୍ଲା ସିଂଲା ପୋଲିସକୁ ମିଳିଛି ବହୁତ ବଡ ସଫଳତା । ବିଳମ୍ବିତ ରାତିରେ ଡକାୟତ ମାନେ ଡକାୟତି ଯୋଜନା କରୁଥିବା ବେଳେ ୬ ଜଣ କୁଖ୍ଯାତ ଡକାୟତକୁ ଗିରଫ କରିଛି ପୋଲିସ । ଜବଦ କରିଛି ଗୋଟିଏ ହ୍ଯୁଣ୍ତାଇ କାର, ଦୁଇଟି ବାଇକ, ୫ ଟି ମୋବାଇଲ, ବାଇକ ଗାଡିର କିଛି ଚାବି ନେନ୍ଥା ଓ ବିଭିନ୍ନ ମାରଣାସ୍ତ୍ର । ପ୍ରକାଶ ଥାଉକି- ଗତ ତା ୦୪/୭/୨୩ ରିଖ ବିଳମ୍ବିତ ରାତିରେ ସିଂଲା ଥାନା ଅନ୍ତର୍ଗତ ପାଉଁଶକୁଲି ଫୁଟବଲ ପଡିଆ ନିକଟରେ ୭ ଜଣ ଡକାୟତ ମିଶି 
ଡକାୟତି ପାଇଁ ଯୋଜନା କରୁଥିବା ବେଳେ କୌଣସି ସୂତ୍ରରୁ ଖବର ପାଇ ସିଂଲା ପୋଲିସର ଏକ ସ୍ବତନ୍ତ୍ର ଟିମ୍ ଚଢଉ କରିଥିଲା । ଚଢଉ ସମୟରେ ଜଣେ ଡକାୟତ ଚମ୍ପଟ ମାରିଥିବା ବେଳେ ଅନ୍ଯ ୬ ଜଣଙ୍କୁ ଗିରିଫ କରିବା ସହ ସେମାନଙ୍କ ନିକଟରୁ ତେଲେଗାନା କଟୁରୀ, ଭୁଜାଲି, ଟାଙ୍ଗିଆ ଆଦି ବିଭିନ୍ନ ଧାରୁଆ ମାରଣାସ୍ତ୍ର ଜବଦ କରିବା ସହ ଗୋଟିଏ କାର ଏବଂ ଦୁଇଟି ବାଇକ ଜବଦ କରିଛି ପୋଲିସ । ଗିରଫ ହୋଇଥିବା ସମସ୍ତଙ୍କ ଘର ସିଂଲା ଥାନା ଅନ୍ତର୍ଗତ ଭେଲୁରା, ପାଉଁଶକୁଲି ବସ୍ତା ପ୍ରମୁଖ ବିଭିନ୍ନ ଅଞ୍ଚଳର ବୋଲି ଜଣା ପଡିଛି । ଏମାନେ ପୂର୍ବରୁ ବିଭିନ୍ନ ଚୋରି ଏବଂ ଡକାୟତିରେ ସମ୍ପୃକ୍ତ ଥିବା ବେଳେ ବିଭିନ୍ନ ଥାନାରେ ଏମାନଙ୍କ ନାମରେ ଏକାଧିକ ମାମଲା ଥିବା ନେଇ ସିଂଲା ଥାନା ପରିସର ରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ବସ୍ତା ଏସ ଡି ପି ଓ ଜଳନ୍ଧର ଜାଲି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
