ଭବାନୀପାଟଣା – ୧୭/୦୩ : କଳାହାଣ୍ଡି ଜିଲ୍ଲା ତଥା କର୍ଲାମୁଣ୍ଡା ବ୍ଲକ୍ ର ଖ୍ୟାତିନାମା ଯୁବ ସାମ୍ବାଦିକ ଜଗଦିଶ ନାଏକଙ୍କ ଆଜି ହେଉଛି ପ୍ରଥମ ବାର୍ଷିକି ଶ୍ରାଦ୍ଧ ଦିବସ । ମୃତ୍ୟୁ ବେଳକୁ ତାଙ୍କୁ ୩୪ ବର୍ଷ ୧ ମାସ ୨୪ ଦିନ ହୋଇଥିଲା । ଜଗଦିଶ୍ଙ୍କ ମୃତ୍ୟୁର କିଛି ମାସ ପୂର୍ବରୁ ତାଙ୍କର ଶରୀର ଅସୁସ୍ଥତା ରହୁଥଲା । ସମସ୍ତଙ୍କ ଆଶାଥିଲା ସେ ଶୀଘ୍ର ଆରୋଗ୍ୟ ହୋଇଯିବେ । ବୁଧବାର ଦିନ ସେ ହଠାତ ଅଧିକ ଗୁରୁତର ହୋଇଯାଇଥିଲେ । ପରେ ତାଙ୍କୁ କର୍ଲାମୁଣ୍ଡା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ପରିବାର ଲୋକେ । ଏବଂ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ମହାନ ଯୁବ ସାମ୍ବାଦିକ ୨୧ ଜାନୁୟାରୀ ୧୯୮୭ ମସିହାରେ କର୍ଲାମୁଣ୍ଡା ବ୍ଲକ୍ ତେରେସିଙ୍ଗା ପଞ୍ଚାୟତ ଅନ୍ତର୍ଗତ ବିନ୍ଧାଣି ଗ୍ରାମରେ ଜନ୍ମ ଗ୍ରଣହ କରିଥିଲେ । ୨୦୨୧ ମସିହା ମାର୍ଚ୍ଚ ୧୭ ତାରିଖ ଅର୍ଥାତ୍ ଆଜିର ଦିନରେ ତାଙ୍କର ପରଲୋକ ହୋଇଯାଇଥିଲା ।
ସେ ଥିଲେ ଜଣେ ଏକାଧାରରେ କର୍ତ୍ତବ୍ୟନିଷ୍ଠା, ପରିଶ୍ରମି ଓ ମେଳାପି ମଣିଷ । କେବଳ ଖାଳି କର୍ଲାମୁଣ୍ଡା ବ୍ଲକ୍ ନୁହଁ ଜିଲ୍ଲାରେ ଥିବା ବିଭିନ୍ନ ସମାଜ ସେବା ଓ ସାଂସ୍କୃତିକ କ୍ଷେତ୍ରରେ ମଧ୍ୟ ତାଙ୍କର ବେଶ ଗୁରୁତ୍ତ୍ବପୂର୍ଣ୍ଣ ଭୂମିକା ରହିଥିଲା । ଦିର୍ଘ ବର୍ଷ ଧରି ସାମ୍ବାଦିକତା କରୁଥିଲେ ମଧ୍ୟ ସାଧାରଣ,ଗରୀବ,ଅବହେଳିତଙ୍କ ପାଇଁ କାମ କରିବା ତାଙ୍କର ନିଶାଥିଲା । ପଛୁଆ ଅଞ୍ଚଳର ଅଭାବ ଅସୁବିଧା ସମ୍ପର୍କରେ ସରକାରଙ୍କର ଦୃଷ୍ଟି ଆକର୍ଷଣ କରିବାରେ ଦଗଦିଶ କେବେବି ହେଲା କରୁନଥିଲେ । ଆଜିବି ତାଙ୍କ ଏହି ବାର୍ଷିକ ଶ୍ରାଦ୍ଧ ଦିବସରେ ଜିଲ୍ଲା ର ବିଭିନ୍ନ ସାମ୍ବାଦିକ ମହଳରେ ବାର୍ଷିକ ଶ୍ରଦ୍ଧାଞ୍ଜଳି ଦିବସ ଭାବେ ପାଳନ କରିବା ସହ ସେ ଯେଉଁଠି ଥିଲେ ମଧ୍ୟ ଭଗବାନ୍ ତାଙ୍କର ଅମର ଆତ୍ମାର ସଦ଼୍ଗତି ପ୍ରଦାନ କରିବା ପାଇଁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ମ ନି ସ
