କୋକସରା,୭/୭ // କଳାହାଣ୍ଡି ଜିଲ୍ଲା କୋକସରା ବ୍ଲକ ଡ଼ହଗାଁ ସର୍ଗିଗୁଡ଼ା ଜଙ୍ଗଲ ନିକଟବର୍ତ୍ତୀ କୁମୁଡି ଜଙ୍ଗଲ ରୁ ଏକ ଭାଲୁ ଖାଦ୍ୟ ଅନ୍ୱେଷଣ ରେ ଆସି ଜାମପଡା ଗାଁ ନିକଟରେ ଥିବା ଏକ ପରିତ୍ୟକ୍ତ କୂଅ ରେ ଗୁରୁବାର ସନ୍ଧ୍ୟାରେ ଖସି ପଡ଼ି ଯାଇଥିବା ବେଳେ କିଚି କିଛି ସ୍ଥାନୀୟ ଲୋକେ ଦେଖିବା ପରେ ଏ ନେଇ ବେହେରା ସେକ୍ସନ ଫରେଷ୍ଟ ବିଭାଗ କୁ ଖବର ଦେଇଥିଲେ।ଘଟଣା ସ୍ଥଳରେ ଧର୍ମଗଡ ବନ ବିଭାଗ ଅଧିକାରୀ ଓ କର୍ମଚାରୀ ପହଞ୍ଚି ପାରିପାର୍ଶ୍ବିକ ସ୍ଥିତି ଅନୁଧ୍ୟାନ କରି ନବରଙ୍ଗପୁର ଜିଲ୍ଲା ରୁ ଉଦ୍ଧାରକାରୀ ଦଳକୁ ଡକାଇ ଗତ ବିଳମ୍ବିତ ରାତିରେ କୂଅରୁ ଅକ୍ଷତ ଅବସ୍ଥାରେ ଭାଲୁକୁ ଉଦ୍ଧାର କରି ନିକଟସ୍ଥ କୁମୁଡ଼ି ଜଙ୍ଗଲରେ ଛାଡିଥିଲେ। ଉଦ୍ଧାର କାର୍ଯ୍ୟ ସମୟରେ ଧର୍ମଗଡ ବନ ବିଭାଗ ଅଧିକାରୀ ଏ ସି ଏଫ ପ୍ରଦୀପ ଭାତ୍ରା, ରେଞ୍ଜର ଭବାନୀ ଶଙ୍କର କାଉର, ଫରେଷ୍ଟ ଗାର୍ଡ ସୁଧାଂଶୁ ସାହୁ , ପାରା ଫରେଷ୍ଟ କର୍ମଚାରୀ ସ୍ୱାଧୀନ ଦଣ୍ଡସେନା ମୋଟେର ଫାଣ୍ଡି ଅଧିକାରୀ ମନୋରଞ୍ଜନ ଆଚାର୍ଯ୍ୟ ଓ ନବରଙ୍ଗପୁର ଉଦ୍ଧାରକାରୀ ଦଳ ଉପସ୍ଥିତ ଥିଲେ।