ଡାବୁଗାଁ, ୫/୭ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ର ବୋରିଗାଁ ପଞ୍ଚାୟତ ଅଧୀନ ମେଣ୍ଡ୍ରା ଗ୍ରାମ ନିକଟରେ ୭୪ ତମ ବନମହୋତ୍ସବ ସପ୍ତାହ ପାଳନ ଅବସରରେ ଡାବୁଗାଁ ବନ ବିଭାଗ ତରଫରୁ ମେଣ୍ଡ୍ରା ବନ ସଂରକ୍ଷଣ ସମିତି ସହଯୋଗରେ ଏକ ବୃକ୍ଷ 
ରୋପଣ କାର୍ଯ୍ୟକ୍ରମ ବୁଧବାର ଅନୁଷ୍ଠିତ ହୋଇଯାଇଛି | ଏଥିରେ ଡାବୁଗାଁ ଜିଲାପରିଷଦ ସଭ୍ୟ ଧନସିଂ ଭତ୍ରା ମୁଖ୍ୟ ଅତିଥି ଭାବେ ଯୋଗ ଦେଇ ବୃକ୍ଷ ରୋପଣ କରିଥିଲେ | ସରଗୁଲି ପ୍ରସ୍ତାବିତ ସଂରକ୍ଷିତ ଜଙ୍ଗଲ ଅଧୀନ ରେ ଥିବା ପ୍ରାୟ ୪୦ ହେକ୍ଟର ଖାଲି ସ୍ଥାନରେ ପ୍ରାୟ ୨୦ ହଜାର ଚାରା ରୋପଣ କରାଯିବ | ଆଜି 
ପ୍ରଥମ ଦିନରେ ପ୍ରାୟ ୧୦୦୦ ଚାରା ରୋପଣ କରାଯାଇଛି | ଏଥିରେ ଗମ୍ଭାରୀ, କାଞ୍ଚନ, ବାଲି ଶିଶୁ, ଶିମିଳି, ଅଁଳା, ଅର୍ଜୁନ, ତେନ୍ତୁଳୀ ଓ କାଜୁ ବୃକ୍ଷ ରୋପଣ କରାଯାଇଛି | ଏହି କାର୍ଯ୍ୟକ୍ରମରେ ଡାବୁଗାଁ ବନପାଳ ଉମାକାନ୍ତ ପଟ୍ଟନାୟକ, ବନରକ୍ଷୀ ରୀତାରାଣୀ ବିଶ୍ଵାସରାୟ, ଉମାଶଙ୍କର ମିଶ୍ର ଓ ପ୍ରକାଶ ସରକାର, ମେଣ୍ଡ୍ରା ବନ ସଂରକ୍ଷଣ ସମିତି ସଭାପତି ଅର୍ଜୁନ ବିଶୋୟୀ ଙ୍କ ସମେତ ଗ୍ରାମର ମହିଳା ଓ ପୁରୁଷ ମାନେ ଉପସ୍ଥିତ ରହି ବୃକ୍ଷ ରୋପଣ କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
