ବାଲେଶ୍ଵର,୧୩/୭/୨୩- ପ୍ରତ୍ୟେକ କ୍ଷେତ୍ରରେ ଦମକଳ ଗାଡ଼ି ହୋଇଥାଏ ଲୋଡା । ଏପରିକି ଝୁଣ୍ଟି ପଡିଲେ ଦମକଳ, ରାସ୍ତାରେ ଦୁର୍ଘଟଣା ହେଲେ ଦମକଳ, ରାସ୍ତାରେ ଗଛ ପଡିଲେ ଦମକଳ, କେଉଁଠି କେଉଁଠି ଷଣ୍ଢ ପଡିଲେ ଦମକଳ, ଜୀବନ ମରଣ ସମସ୍ୟା ଓ ଘରପୋଡି ଇତ୍ୟାଦି କ୍ଷେତ୍ରରେ ଦମକଳ । ସାମାନ୍ୟ କିଛି ହେଲେ ଦମକଳକୁ ଫୋନ୍ କରନ୍ତି ସାଧାରଣ ଜନତା । ହେଲେ ଦମକଳ ରାସ୍ତା ପ୍ରତି ପଡୁନାହିଁ କାହାରି ନଜର । ସଠିକ୍ ସମୟରେ ଦୁର୍ଘଟଣା ସ୍ଥଳରେ ପହଞ୍ଚି ପାରୁନାହିଁ ଦମକଳ ଗାଡି ।
ଏପରି ଏକ ଦୃଶ୍ୟ ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ଖଇରା ଦମକଳ କେନ୍ଦ୍ର ରାସ୍ତା କ୍ଷେତ୍ରରେ । ବିପଦ ସମୟରେ ସହାୟ ହେଉଥିବା ଦମକଳ ଗାଡିଟି ଠିକଣା ସମୟରେ ପହଞ୍ଚି ପାରୁନାହିଁ ଦୁର୍ଘଟଣା ସ୍ଥଳରେ । ଯାହା ଫଳରେ ଅଗ୍ନିଶମ ସେବା କର୍ମଚାରୀ ମାନେ ସ୍ଥାନେ ସ୍ଥାନେ ଜନସାଧାରଣଙ୍କ ରୋଷର ସ୍ବୀକାର ହେଉଛନ୍ତି । ଦୀର୍ଘଦିନ ହେବ ରାସ୍ତାଟି ଶୋଚନୀୟ ହୋଇପଡିଛି, ଅଭିଯୋଗ ପରେ ଅଭିଯୋଗ ମଧ୍ୟ ଜାରି ରହିଛି, ହେଲେ ଜନସାଧାରଣଙ୍କ କଥିତ ଅନୁସାରେ ଖଇରା- ସିମୁଳିଆ ବ୍ଲକର ପୂର୍ବତନ ମନ୍ତ୍ରୀ ତଥା ବର୍ତ୍ତମାନର ବିଧାୟକ ଜ୍ଯୋତିପ୍ରକାଶ ପାଣିଗ୍ରାହୀଙ୍କର ଦୃଷ୍ଟି ନ ପଡିବା ବଡ଼ ଦୁଃଖ ଓ ପରିତାପର ବିଷୟ । କୋଚିଆକୋଇଲି କଲ୍ୟାଣ ମଣ୍ଡପ ଠାରୁ ଦମକଳ ଅଫିସ୍ ପର୍ଯ୍ୟନ୍ତ ଶୋଚନୀୟ ରାସ୍ତାଟି ବିପଦ ସମୟରେ ବାହାରୁ ଥିବା ଦମକଳ ଗାଡି ପଥଚାରୀ ମାନଙ୍କ ପାଇଁ ବିପଦର କାରଣ ସାଜିଥାଏ । ମୁଖ୍ୟମନ୍ତ୍ରୀଙ୍କ ଗାଁ କୁ କାମ ମା’ କୁ ସମ୍ମାନ ଏଠାରେ ସମ୍ପୂର୍ଣ୍ଣ ଫେଲ୍ ମାରିଛି କେଵଳ ବିଧାୟକ ଶ୍ରୀ ପାଣିଗ୍ରାହୀଙ୍କ ପାଇଁ, କହିଲେ ଅତ୍ୟୁକ୍ତି ହେବନାହିଁ ଵୋଧହୁଏ । ଉକ୍ତ ରାସ୍ତା ପ୍ରତି ଵିଧାୟକ ଅଣଦେଖା ସହଜରେ ଗ୍ରହଣ କରିପାରୁ ନାହାନ୍ତି ସମ୍ପୃକ୍ତ ଅଞ୍ଚଳବାସୀ । ତୁରନ୍ତ ଉକ୍ତ ରାସ୍ତାର ମରାମତି ଓ ସମ୍ପ୍ରସାରଣ ପାଇଁ ଅଞ୍ଚଳବାସୀ ବିଭାଗୀୟ ଅଧିକାରୀ, ସ୍ଥାନୀୟ ବିଧାୟକ ଓ ରାଜନୈତିକ ନେତାଙ୍କୁ ଅନୁରୋଧ କରିଛନ୍ତି ଅଞ୍ଚଳବାସୀ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
