ଗୋଲାମୁଣ୍ଡା /14/7/23/ନିର୍ଭୟ, ନିରପେକ୍ଷ ମସିହା /ବର୍ତ୍ତମାନ ଖରିପ ସମୟ ଚାଲିଥିବା ବେଳେ କୃଷି ଓ କୃଷକମାନେ ବର୍ଷାର ନିଅଣ୍ଟ ହେଲେ ମଧ୍ୟ ଚାଷ ପାଇଁ ଅଣ୍ଟା ଭିଡ଼ିଛନ୍ତି । କୃଷି ଓ କୃଷକଙ୍କ ସହିତ ସବୁବେଳେ ସବୁ ସମୟରେ ଜଡିତ ଥିବା ଗ୍ରାମ୍ୟ କୃଷି କର୍ମଚାରୀ ମାନଙ୍କୁ ସରକାର ଭୁଲି ଯାଆନ୍ତି । ଫଳରେ ଏହି କୃଷି କର୍ମଚାରୀ ମାନେ ଅନେକ ଘାତ ପ୍ରତିଘାତ ଦେଇ ଗତି କରୁଛନ୍ତି । ରାଜ୍ୟ ସରକାରଙ୍କୁ ଅନେକ ଥର ନିଜର ହକ ମାଗିଲେ ମଧ୍ୟ ଏମାନଙ୍କ କଥା କୁ ସରକାର କର୍ଣ୍ଣପାତ କରୁନାହାନ୍ତି । ଏନେଇ ଆଜି ରାଜ୍ୟ ସଙ୍ଘର ଆହ୍ୱାନ କ୍ରମେ କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ କୃଷି କାର୍ଯ୍ୟାଳୟ ଠାରେ ୪ଦଫା ଦାବୀ ନେଇ ଗ୍ରାମ୍ୟ କୃଷି କର୍ମଚାରୀ ସଂଘ ପକ୍ଷରୁ ବ୍ଲକ କୃଷି କାର୍ଯ୍ୟାଳୟ ଠାରେ କଲାବ୍ୟାଚ ପିନ୍ଧି ଶାନ୍ତିପୂର୍ଣ୍ଣ ଆନ୍ଦୋଳନ କରିଥିଲେ ।
ଏମାନଙ୍କ ଦାବୀ ହେଲାଗ୍ରାମ୍ୟ କୃଷି କର୍ମଚାରୀଙ୍କ ଗ୍ରେଡ ପେ ୪୨୦୦ କୁ ବୃଦ୍ଧି, ପଦଵୀ ର ନାମ ପରିବର୍ତ୍ତନ, କ୍ୟାଡ଼ର ପୁନର୍ଗଠନ, ଠିକା ସମୟରେ ୬ ବର୍ଷ କୁ ମୂଳ ଚାକିରୀରେ ଗଣନା ସହିତ ୬ ଟି ନୋସନାଲ ଇଂକ୍ରିମେଣ୍ଟ ପ୍ରଦାନ ସମେତ ୪ ଦଫା ଦାବୀ କରିଛନ୍ତି।
ସାମ୍ପ୍ରତିକ ଭାବେ କଳାହାଣ୍ଡି ଜିଲ୍ଲାରେ ୧୩୩ ଜଣ ଗ୍ରାମ୍ୟ କୃଷି କର୍ମଚାରୀ ଥିବା ବେଳେ ଗୋଲାମୁଣ୍ଡା ବ୍ଲକରେ ଜଣ କାର୍ଯ୍ୟ କରୁଛନ୍ତି । ଏହି କର୍ମଚାରୀ ମାନେ ଆଜି ଠାରୁ ୨୦ ତାରିଖ ପର୍ଯ୍ୟନ୍ତ ସାମୂହିକ କଲାବ୍ୟାଚ ପରିଧାନ କରି ଶାନ୍ତିପୂର୍ଣ୍ଣ ଭାବେ ବିକ୍ଷୋଭ କରିବା ସହ କାମ ମଧ୍ୟ କରିବେ । ୨୧ ତାରିଖରୁ ୩୦ ତାରିଖ ପର୍ଯ୍ୟନ୍ତ ସରକାରଙ୍କୁ ଦାବୀ ପୁରୁଣ ପାଇଁ ସମୟ ଦେବେ । ଯଦି ୩୦ ତାରିଖ ସୁଦ୍ଧା ଦାବୀ ପୁରୁଣ ନ କରାଯାଏ ତାହେଲେ ଆସନ୍ତା ୧ ତାରିଖରୁ କୃଷି କର୍ମଚାରୀ ମାନେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଛୁଟିରେ ଯିବା ପାଇଁ ରାଜ୍ୟ ସରକାରଙ୍କୁ ଚେତାବନୀ ଦେଇଛନ୍ତି । ତାହେଲେ ଆସନ୍ତା ୧ ତାରିଖରୁ କୃଷି କର୍ମଚାରୀ ମାନେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଛୁଟିରେ ଯିବା ପାଇଁ ରାଜ୍ୟ ସରକାରଙ୍କୁ ଚେତାବନୀ ଦେଇଛନ୍ତି ରବୀନ୍ଦ୍ର ନାଏକ, ଛନ୍ଦାଚରଣ ଭୋଇ, ଆନନ୍ଦ ନିଆଳି, ଗଣପତିନିଆଲ, ଦୁଃଖିରାମ ମାଝୀ, ଗଙ୍ଗାଧର ମାଝୀ, ପ୍ରଶାନ୍ତ ମାଝୀ, ଓ ମହିଳା କୃଷି କର୍ମଚାରୀ ହେଲେ ପ୍ରମିଳା ସରାପ, ପ୍ରମିଳା ନାଇକ ଓ ଉର୍ମିଳା ନାଏକ ପ୍ରମୁଖ ।
ଗୋଲାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ, ପ୍ରଗତିଶୀଳ ମସିହା
