ନବରଙ୍ଗପୁର -(ମସିହା) ଆଜି ଚେରଚେଟା ସରକାରୀ ଉଚ୍ଚ ବିଦ୍ୟାଳୟ ଠାରେ ଆଦାନୀ ଗ୍ରୁପ ତରଫରୁ ମୌସୁମୀ ସୁରକ୍ଷା ସଚେତନ ଶିବିର ଅନୁଷ୍ଠିତ ହୋଇଥିଲା | ଏହି ସଚେତନ ଶିବିରରେ ମୁଖ୍ୟ ଅତିଥିଭାବେ ଆଦାନୀ ଗ୍ରୁପର ଶ୍ରୀ ଜୟରାମ ଶର୍ମା (ପ୍ରୋଜେକ୍ଟ ହେଡ୍-ଆଦାନୀ-ବି.କେ.ଆର.ପି.ଏଲ୍) ଯୋଗ 
ଦେଇଥିଲେ | ଶ୍ରୀ ଶର୍ମା ଉପସ୍ଥିତ ଛାତ୍ର ଛାତ୍ରୀ ଙ୍କୁ ବର୍ଷା ଦିନେ ବଜ୍ରପାତ ରୁ କେମିତି ସୁରକ୍ଷା ପାଇବେ , ସାପ କାମୁଡ଼ିଲେ କେଉଁପନ୍ଥା ଅବଲମ୍ବନ କରି ନିଜେ ଓ ସାପ କାମୁଡିବା ଲୋକଙ୍କୁ କେମିତି ଜୀବନ ବଞ୍ଚାଇବେ , ନିର୍ମାଣାଧୀନ ସ୍ଥାନରେ କେମିତି ନିଜକୁ ସୁରକ୍ଷିତ ରଖିପାରିବେ ସେ ନେଇ ସଚେତନ କରାଇଥିଲେ | ଏହାପରେ ଉପସ୍ଥିତ ଛାତ୍ର ଛାତ୍ରୀଙ୍କୁ ନେଇ ଏକ କୁଇଜ କଂପିଟେସନ କରାଯାଇ ପ୍ରଥମ ,ଦ୍ୱତୀୟ ସ୍ଥାନ ପାଇଥିବା ଛାତ୍ର 
ଛାତ୍ରୀଙ୍କୁ ପୁରସ୍କାର ପ୍ରଦାନ କରାଯାଇଥିଲା | ଆଗାମୀ ଦିନରେ ଏହି କାର୍ଯ୍ୟକ୍ରମ କୁ ପ୍ରତ୍ୟେକ ଗ୍ରାମରେ କରାଇବାପାଇଁ ସ୍ଥିର କରାଯାଇଛି ବୋଲି ଶ୍ରୀ ଶର୍ମା ସୂଚନା ଦେଇଛନ୍ତି | ପ୍ରକାଶ ଥାଉକି ବିଗତ ଦିନ ମାନଙ୍କରେ ଆଦାନୀ ଗ୍ରୁପ ସଡ଼କ ସୁରକ୍ଷା ମାସ ପାଳନ କରି ଡାବୁଗାଁ ଥାନା ସମୁଖରେ ଲୋକଙ୍କୁ ହେଲମେଟ ପିନ୍ଧି ଗାଡି ଚଳାଇବାକୁ ସଚେତନ କରିଥିଲେ ଏବଂ କିଛି ଲୋକଙ୍କୁ ହେଲମେଟ ବାଣ୍ଟିଥିଲେ | ଅନ୍ୟ ମାନଙ୍କ ମଧ୍ୟରେ ଆଦାନୀ ଗ୍ରୁପର ସୁରକ୍ଷା ମୁଖ୍ୟ ଦେବେନ୍ଦ୍ର ମହାପାତ୍ର , ପ୍ରଜେକ୍ଟ ହେଡ଼ ଏମ ବି ପି ଏଲ ଗ୍ରୁପର ଓ ପି ସିଂ ଭଦରିଆ , ଏମ ବି ପି ଏଲ ଗ୍ରୁପର ସୁରକ୍ଷା ମୁଖ୍ୟ ବାମଦେବ ସାମଲ ଯୋଗ ଦେଇଥିଲେ | ଏହି ଶିବିରକୁ ରଞ୍ଜନ କୁମାର ଜେନା , ସୁନୀଲ କୁମାର , ଆକାଶ ରାଓ , ବିଭୁତି ଭୂଷଣ ପ୍ରଧାନ ପରିଚାଳନା କରିଥିଲେ |
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
