ବାଲେଶ୍ଵର,୨୦/୭/୨୩- ବାଲେଶ୍ଵର ଜିଲ୍ଲା ଖଇରା ବ୍ଳକ ଅଧୀନସ୍ଥ ବାଉଁଶ ଗଢିଆ ପଞ୍ଚାୟତର କଳମଚୁଆ ଗ୍ରାମରେ ଅନ୍ନପୂର୍ଣ୍ଣା ମହାନ୍ତିଙ୍କୁ କୃତିମ କେଶ ପ୍ରଦାନ କରାଯାଇଅଛି । ବିଶେଷ ସୂତ୍ରରୁ ପ୍ରକାଶ ଯେ ଅନ୍ନପୂର୍ଣ୍ଣା ବିଗତ ୮ ମାସ ହେବ କ୍ୟାନସର ରୋଗରେ ପୀଡିତ ହୋଇ ଚିକିତ୍ସା ହେଉଥିଲେ ଏବଂ କେମୋ ନେବାପରେ ତାଙ୍କର କେଶ ସମ୍ପୂର୍ଣ୍ଣ ଭାବେ ଝଡ଼ି ଯାଇଥିଲା । ଏହି ଖବରପାଇ ଖଇରା ଅଞ୍ଚଳର ସମାଜସେବୀ ଜନସେବକ ରାଜୀବଙ୍କ ନଜରକୁ ଆସିଥିଲା । ସେ ସଙ୍ଗେ ସଙ୍ଗେ ଓଡିଶାରୁ କେଶ ସଂଗ୍ରହ ଓ କୃତିମ କେଶ ପ୍ରଦାନ କରୁଥିବା ଶୁଭାଟ୍ରଷ୍ଟର ଉପସଭାପତି ହରପ୍ରିୟା ନାୟକଙ୍କୁ ଜଣାଇଥିଲେ । ଶ୍ରୀମତୀ ନାୟକ ହାଇଦ୍ରାବାଦ ରେ ଥିବା Hydrabad Hair Donation for Cancer patients ମାଧ୍ୟମରେ ସଂଗ୍ରହ କରାଯାଇ ଅଦ୍ଯ ତା ୨୦/୭/୨୦୨୩ ରିଖ କଟକ ସ୍ଥିତ ଆଚାର୍ଯ୍ୟ ହରିହର ମେଡିକାଲ (ଲଲିତ ରାୟ) ଦ୍ବାରା ପ୍ରଦାନ କରାଯାଇଅଛି । ଲଲିତ ରାୟ ଯେ କି S C B ଏବଂ ଆଚାର୍ଯ୍ୟ ହରିହରକୁ ଦୂରଦୂରାନ୍ତରୁ ଆସୁଥିବା ରୋଗୀ ମାନଙ୍କୁ ସେବା ଯୋଗାଇଥାନ୍ତି, ତାଙ୍କରି ମାଧ୍ୟମରେ ଏହି କୃତିମକେଶ ପୀଡିତ ଅନ୍ନପୂର୍ଣ୍ଣାଙ୍କୁ ପ୍ରଦାନ କରାଯାଇଅଛି ।।