ବାଲେଶ୍ଵର,୨୨/୭/୨୩ – ବାଲେଶ୍ବର ଜିଲ୍ଲା ବସ୍ତା ନିର୍ବାଚନ ମଣ୍ତଳୀ କଂଗ୍ରେସ ପକ୍ଷରୁ ୫ ଦଫା ଦାବି ନେଇ ତା ୨୧/୭/୨୩ ରିଖରେ ବସ୍ତା ବିଦ୍ଯୁତ ଡିଭିଜନ କାର୍ଯ୍ଯାଳୟ ସମ୍ନୁଖରେ ବିକ୍ଷୋଭ ପ୍ରଦର୍ଶନ କରିବା ସହ ବିଭାଗୀୟ ନିର୍ବାହୀ ଯନ୍ତ୍ରୀଙ୍କୁ ଦାବି ପତ୍ର ପ୍ରଦାନ କରାଯାଇଛି । ଅଘୋଷିତ ବିଦ୍ଯୁତ କାଟ, ଅହେତୁକ ଦରବୃଦ୍ଧି ବନ୍ଦ କରିବା, ପ୍ରତି ମାସରେ ଏକ ନିର୍ଦ୍ଦିଷ୍ଟ ତାରିଖରେ ବିଦ୍ଯୁତ୍ ବିଲ ଆଦାୟ କରିବା, ବକେୟା ବିଦ୍ଯୁତ୍ ବିଲ୍ ଆଦାୟ ବେଳେ 
ଗ୍ରାହକଙ୍କ ଉପରେ ଜୁଲମ ନ କରିବା, ସରକାରଙ୍କ ପକ୍ଷରୁ ବିଦ୍ଯୁତ୍ ଭିତ୍ତିଭୂମି ପାଇଁ ଖର୍ଚ୍ଚ କରା ଯାଇଥିବା ୧୫ ହଜାର କୋଟି ଟଙ୍କାର ଶ୍ବେତପତ୍ର ତୁରନ୍ତ ପ୍ରଦାନ କରିବା ଇତ୍ଯାଦି ଦାବି ନେଇ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଏହି ଅବସରରେ ପ୍ରାୟ ଏକ ହଜାରେରୁ ଉର୍ଦ୍ଧ୍ବ କଂଗ୍ରେସ କର୍ମୀ କୁଡିଆ ବ୍ରିଜ ନିକଟରୁ ବସ୍ତା ବିଦ୍ଯୁତ ଡିଭିଜନ କାର୍ଯ୍ଯାଳୟ ପର୍ଯ୍ଯନ୍ତ ରାଲି କରି ଆସିବା ପରେ ବିକ୍ଷୋଭ ପ୍ରଦର୍ଶନ ଏବଂ ବିଭାଗୀୟ ନିର୍ବାହୀଯନ୍ତ୍ରୀଙ୍କୁ ଦାବି ପତ୍ର ପ୍ରଦାନ କରିଥିଲେ । ଯଦି ଏହି ଦାବି ଗୁଡିକ ପୂରଣ ପାଇଁ ଟାଳଟୂଳ ନୀତି ଅବଲମ୍ବନ କରାଯାଏ, ତାହାଲେ ପ୍ରଦେଶ କଂଗ୍ରେସ ପକ୍ଷରୁ ସାରା ରାଜ୍ଯରେ ଆନ୍ଦୋଳନ ଏବଂ ବିକ୍ଷୋଭ ପ୍ରଦର୍ଶନ କରାଯିବ ବୋଲି ଚେତାବନୀ ଦେଇଛନ୍ତି ।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
