କାମାକ୍ଷାନଗର (ମନିସ )୨୨/୦୭_ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ କାନପୁରା ପଂଚାୟତ ଜିରିଡାମାଳୀ ଗ୍ରାମର ସତ୍ୟ ଶଙ୍କର ପତି ନିଟ୍ ପରୀକ୍ଷାରେ ଉତ୍ତୀର୍ଣ୍ଣ ହୋଇ ସମଗ୍ର ଓଡିଶାରେ ୮୦ ନମ୍ବର ସ୍ଥାନରେ ନିଜର ପ୍ରତିଭା ଦେଖାଇବା ସହ କାମାକ୍ଷାନଗର ଅଞ୍ଚଳ ପାଇଁ ଗର୍ବ ଓ ଗୌରବ ଆଣିଛନ୍ତି l ପିଲାଟି ଦିନରୁ ପାଠ ପ୍ରତି ବେଶ୍ ଆଗ୍ରହ ଦେଖିବାକୁ ମିଳିଥିଲା ଯେପରିକି ତୁଳସୀ ଦୁଇପତ୍ର ରୁ ବାସିଲା ଭଳି ପିଲାବେଳୁ ଜଣାପଡୁଥିଲା l ତାଙ୍କର ଏ ସଫଳତା ପିତା ଭୁବନାନନ୍ଦ ପତି , ମାତା କାଦମ୍ବିନୀ ପଣ୍ଡା ଓ ବଡ ଭାଇ ସୌମ୍ୟ ଶଙ୍କର ପତି ଙ୍କ ଆଶୀର୍ବାଦ ଯୋଗୁ ସମ୍ଭବ ହୋଇପାରିଛି l
ତାଙ୍କର ଅକ୍ଲାନ୍ତ ପରିଶ୍ରମ ଓ ଜଣେ ସରକାରୀ ବିଦ୍ୟାଳୟର ଛାତ୍ରହୋଇ ଢେଙ୍କାନାଳ ଜିଲ୍ଲା ଓ କାମାକ୍ଷାନଗର ବ୍ଲକ ପାଇଁ ସେ ଏକ ଉଦାହରଣ ସୃଷ୍ଟି କରିଛନ୍ତି l ସେ ପ୍ରଥମେ ରହଣି ଉପ୍ରା ବିଦ୍ୟାଳୟ ରୁ ଶିକ୍ଷା ଆରମ୍ଭ କରିଥିବାବେଳେ ଓ କାନପୁରା ହାଇସ୍କୁଲରୁ ଦଶମ ଉତୀର୍ଣ୍ଣ ହୋଇଥିଲେ l ସେହି ଦିନଠାରୁ ପାଠପଢ଼ାର ଦୌଡ଼ରେ ସବୁବେଳେ ଆଗରେ ରହି ଆସିଛନ୍ତି ,କେବେବି ପଛଘୁଞ୍ଚା ଦେଇ ନାହାନ୍ତି l ତାଙ୍କର ଏହି ସଫଳତାକୁ ନେଇ ପିତାମାତାଙ୍କ ଠୁ ଆରମ୍ଭ କରି ଶିକ୍ଷକ ଶିକ୍ଷୟତ୍ରୀ ମାନେ ବେଶ୍ ଗର୍ବ ଅନୁଭବ କରୁଛନ୍ତି l
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
