ଜୁନାଗଡ଼,୨୭/୭(ମ ନି ସ) ଜୁନାଗଡ଼ରେ ନୂତନଭାବେ ଯୋଗ ଦେଇଥିବା ଦୁଇ ପ୍ରମୁଖ ପ୍ରଶାସନିକ ଅଧିକାରୀଙ୍କ ସାମ୍ବାଦିକ ସଂଘ ତରଫରୁ ସ୍ୱାଗତ ସମ୍ବର୍ଦ୍ଧନା ଦିଆଯାଇ ଏ ଅଞ୍ଚଳର ସମସ୍ୟା ଉପରେ ଆଲୋଚନା କରାଯାଇଥିଲା।ଏହି ଅବସରରେ ସାମ୍ବାଦିକ ସଂଘର ସଭାପତି ହିମାଂଶୁ ବରାଡ଼ଙ୍କ ନେତୃତ୍ୱରେ ନୂତନଭାବେ ଯୋଗ ଦେଇଥିବା ବିଡ଼ିଓ ଦେବାଶିଷ କରଙ୍କୁ ତାଙ୍କ ଅଫିସରେ ଭେଟି ସଂଘ ତରଫରୁ ସ୍ୱାଗତ।ସମ୍ବର୍ଦ୍ଧନା ଦିଆଯାଇଥିଲା ଏଥିସହ ଏ ଅଞ୍ଚଳର ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା।ଏହାପରେ ସ୍ଥାନୀୟ ବିଜ୍ଞାପିତ ଅଞ୍ଚଳ ପରିଷଦରେ ନୂତନଭାବେ ଯୋଗ ଦେଇଥିବା କାର୍ଯ୍ୟନିର୍ବାହୀ ଅଧିକାରୀ ପ୍ରେମଲାଲ ହିଆଳଙ୍କୁ କାର୍ଯ୍ୟାଳୟ ପରିସରରେ ସଂଘ ପକ୍ଷରୁ ଭେଟି ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା।ଏଥିସହ ଜୁନାଗଡ଼ରେ ଡ୍ରେନ, ପରିମଳ ଓ ସାମ୍ବାଦିକ ଭବନ ଉପରେ ଆଲୋଚନା କରାଯାଇଥିଲା। ଏହି ଦୁଇ ବରିଷ୍ଠ ପ୍ରଶାସନିକ ଅଧିକାରୀ ଏଅଂଚଳର ଉନ୍ନତି ପାଇଁ ମିଳିତ ଭାବେ କାର୍ଯ୍ୟ କରିବାକୁ ପ୍ରତିଶୃତି ଦେଇଥିଲେ।ଏଥିରେ ସଂଘର ସମ୍ପାଦକ ନରେନ୍ଦ୍ର କ୍ଷୀତି, ଉପଦେଷ୍ଟା ସଂନ୍ତୋଷ ସିଂହଦେଓ, ଖଗେଶ୍ୱର ଧ ଙ୍ଗଡା ମାଝୀ, ବିଭୁପ୍ରସାଦ ପାଢ଼ୀ, କୁମରମଣି ଦୁର୍ଗା, ରଜନୀ ମିଶ୍ର, ବ୍ୟୋମକେଶ ପୁରୋହିତ ଓ ସଂଘର ଅନେକ ସଦସ୍ୟ ଉପସ୍ଥିତ ରହି ଥିଲେ।
previous post