ଅନୁଦାନ ଅଭାବ ରୁ ୧୦ ବର୍ଷହେଲା ଅସମ୍ପୂର୍ଣ୍ଣ ରହିଛି କୋଠା
ଧର୍ମଗଡ/ବେହେରା:୨୦/୩/୨୨:
ଶିକ୍ଷା ର ବିକାଶ ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ଗୁରୁତ୍ଵ ଆରୋପ କରୁଛନ୍ତି । ସରକାରୀ ବିଦ୍ୟାଳୟ ଗୁଡ଼ିକୁ ସ୍ମାର୍ଟ କରାଯାଉଛି । ଏଥି ପାଇଁ ଅର୍ଥ ର ଅଭାବ ରହୁନାହିଁ । ଛାତ୍ର ଛାତ୍ରୀ ମାନେ କିପରି ଉନ୍ନତ ମାନର ଶିକ୍ଷା ଗ୍ରହଣ କରିବେ ଏହା ସମସ୍ତ ଙ୍କ ଉଦେଶ୍ୟ ରହିଛି । ତବେ କିଛି ବିଦ୍ୟାଳୟ ରେ ଉନ୍ନତ ଶିକ୍ଷା ଦାନ କରାଯାଉଥିଲେ ହେଁ ଭିତ୍ତି ଭୂମୀ ର ବିକାଶ ପାଇଁ ଅର୍ଥ ବାଧକ ସାଜୁ ଥିବାରୁ ଏଠାରେ ଅଧ୍ୟୟନ କରୁଥିବା ଛାତ୍ର ଛାତ୍ରୀ ମାନେ ସମସ୍ୟା ର ସମ୍ମୁଖୀନ ହେଉଛନ୍ତି ।
କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ ର ଉପାନ୍ତ ଅଞ୍ଚଳ ବେହେରା ଗ୍ରାମ ରେ ପ୍ରାଥମିକ ଶିକ୍ଷା ପାଇଁ ସରସ୍ଵତୀ ଶିଶୁ ମନ୍ଦିର ସ୍ଥାପନ କରାଯାଇ ଥିଲା । କିଛି ବଦାନ୍ୟ ବ୍ୟକ୍ତି ଙ୍କ ସହଯୋଗ ରେ ଗଢି ଉଠି ଥିବା ଏହି ବିଦ୍ୟାଳୟ ରେ ପ୍ରଥମ ରୁ ସପ୍ତମ ଶ୍ରେଣୀ ରେ ପ୍ରାୟ ୧୫୦ ଜଣ ଛାତ୍ର ଛାତ୍ରୀ ଅଧ୍ୟୟନ କରୁଛନ୍ତି । ତେବେ ଶିକ୍ଷା ଗ୍ରହଣ ପାଇଁ ଆବଶ୍ୟକ ଅନୁଯାୟୀ ଶ୍ରେଣୀ ଗୃହ ର ଅଭାବ ରହିଛି । ଏହାକୁ ହୃଦୟଙ୍ଗମ କରି ୨୦୧୨-୧୩ ବର୍ଷ ରେ ତତ୍କାଳୀନ କଳାହାଣ୍ଡି ସାଂସଦ ଭକ୍ତଚରଣ ଦାସ ସାଂସଦ ପାଣ୍ଠି ରୁ ୩ଲକ୍ଷ ଟଙ୍କା ଅନୁଦାନ ପ୍ରଦାନ କରିଥିଲେ । ପରବର୍ତ୍ତୀ ସମୟରେ ୨୦୧୫-୧୬ ବର୍ଷ ରେ ଶ୍ରେଣୀ ଗୃହ କୋଠା ପାଈ ତତ୍କାଳୀନ ଧର୍ମଗଡ ବିଧାୟକ ପୁଷ୍ପେନ୍ଦ୍ର ସିଂହଦେଓ ବିଧାୟକ ପାଣ୍ଠି ରୁ ୫ ଲକ୍ଷ୍ୟ ଟଙ୍କା ପ୍ରଦାନ କରିଥିଲେ । ତେବେ ଏହି ଟଙ୍କା ରେ ଶ୍ରେଣୀ ଗୃହ ନିର୍ମାଣ ସମ୍ପୂର୍ଣ ହୋଈ ପାରିନାହିଁ । ଇତି ମଧ୍ୟ ରେ ପ୍ରାୟ ୭ବର୍ଷ ସମୟ ଅତିକ୍ରାନ୍ତ ହୋଇ ଯାଇଛି କିନ୍ତୁ ଗୃହ ନିର୍ମାଣ ସମ୍ପୂର୍ଣ ହୋଈ ପାରିନାହିଁ । ଫଳ ରେ ଛାତ୍ର ଛାତ୍ରୀ ମାନେ ପାଠ ପଢ଼ିବା ପାଇଁ ଅନେକ ଅସୁବିଧା ର ସମ୍ମୁଖୀନ ହେଉଛନ୍ତି । ଅସମ୍ପୂର୍ଣ୍ଣ କୋଠାକୁ ସମ୍ପୂର୍ଣ୍ଣ କରିବା ପାଇଁ ସରକାରଙ୍କ ପକ୍ଷ ରୁ ଆଉ କିଛି ଅନୁଦାନ ଯୋଗାଇ ଦେବା ପାଇଁ ବିଦ୍ୟାଳୟ ର ଆଚାର୍ଯ୍ୟ ଅଚାର୍ଯ୍ୟା , ଛାତ୍ର ଛାତ୍ରୀ, ଅଭିଭାବକ ତଥା ଗ୍ରାମ ବାସୀ ଦାବୀ କରିଛନ୍ତି । ବୈଦ୍ୟ ନାଥ ବେହେରା ଙ୍କ ରିପୋର୍ଟ ।
