ବିଶ୍ରାମ
ସୂର୍ଯ୍ୟ ଚନ୍ଦ୍ର ବାୟୁ ସମୟ କେବେହେଁ
ବିଶ୍ରାମ ନିଅନ୍ତି ନାହିଁ
ସେଥିପାଇଁ ଏଇ ସଂସାର ଚାଲିଛି
ନୋହିଲେ ରହନ୍ତା କାହିଁ ॥
ଇଶ୍ବରଙ୍କ ସୃଷ୍ଟି ଅତିବ ବିଚିତ୍ର
ଜୀବ ଜଗତର ପାଇଁ
ଜୀବଙ୍କ ନିମନ୍ତେ ଅନିବାର୍ଯ୍ୟ ଅଟେ
ବିଶ୍ରାମ ଜଗତେ ଭାଇ ॥
ସେ ପାଇଁ ପ୍ରଭୁ ହେ ସୃଷ୍ଟି କରିଛନ୍ତି
ଦିବସ ଓ ରଜନୀର
ଦିବସ କର୍ମର ନିଶା ବିଶ୍ରାମର
ପ୍ରତିକ ଅଟେ ତାଙ୍କର ॥
ଶରୀର ସୁସ୍ଥତା ରୋଗ ମୁକ୍ତ ଚିନ୍ତା
ବିଶ୍ରାମ କଲେ ମିଳଇ
ସିଏତ ମନରେ ଫୁର୍ତ୍ତି ଆଣିଦିଏ
କାର୍ଯ୍ୟରେ ମନ ଲଗାଇ ॥
ପରମବ୍ରହ୍ମେ ତୋ ମନର ବିଶ୍ରାମେ
ପାରେନାହିଁ ପାପ ଛୁଇଁ
ହୃଦେ ସାତ୍ଵିକତା ଜାଗରିତ ହୁଏ
କୃପା ସାଗରଙ୍କ ପାଇଁ ॥
ନିଶ୍ୱାସକୁ ଏଠି ବିଶ୍ୱାସ ନାହିଁରେ
କେତେବେଳେ ଯିବ ଧାଇଁ
ଚାଲି ଗଲେ ଥରେ ଏ ଶରୀର ନିଏ
ଶେଷ ବିଶ୍ରାମଟି ଯହିଁ ॥
ପଞ୍ଚଭୂତେ ସର୍ବେ ତଟିନୀ ସାଗରେ
ନିଅନ୍ତି ବିଶ୍ରାମ ଯାଇ
ତୋ ସ୍ଵର୍ଗ ଦ୍ଵାରରେ ବିଶ୍ରାମ ଦେବୁରେ
ମୋ ଜୁଇ ଜଳାଇ ଦେଇ ॥
ରତିନାରାୟଣ ରାଉତ
ହରିଚନ୍ଦନପୁର, କେନ୍ଦୁଝର, ଓଡ଼ିଶା
